មនុស្សស្រីងាយចាញ់ស្នេហ៍បុរសដែលសម្បូរវោហា?

2017-03-20 09:37:26
ចំនួនមតិ 0 | ចំនួនចែករំលែក 0

គ្រាន់តែពូកែនិយាយសោះអាចឆក់បេះដូងមនុស្សស្រីបានងាយម្ល៉េះ? រឿងនេះដូចលេងសើចពេកទេដឹងព្រោះស្រីៗមិនងាយដាក់ចិត្តស្រលាញ់អ្នកណាផ្ដេសផ្ដាសទេមែនអត់? ចង់ដឹងរឿងហ្នឹងម៉េចវិញ តោះ! មកអានបទពិសោធន៍របស់ស្រីៗដែលបានលង់ស្នេហ៍ដៃគូគាត់ដល់សព្វថ្ងៃ៖

រូបតំណាង

**សិលា៖** មិត្តប្រុសខ្ញុំជាមនុស្សពូកែនិយាយណាស់ ពិសេសនិយាយឲ្យសើចគ្រប់ពេល មិនថាពេលណាទេ នេះជាហេតុផលដែលគាត់យកបានបេះដូងខ្ញុំ។

វីនណា៖ អត់ដឹងត្រូវបដិសេធឬនិយាយម៉េចឲ្យសម ព្រោះខ្ញុំជាមនុស្សមិនសូវមាត់ក ចូលចិត្តស្ងៀមស្ងាត់។ តែបុរសម្នាក់នេះ(សង្សារ)គាត់ដើរចូលមកជីវិតខ្ញុំដោយងាយ ដោយសម្ដីផ្អែមល្ហែម និងពោរពេញដោយមន្តស្នេហ៍។

លីណា៖ បើនិយាយពីការនិយាយស្ដី មិនងាយមានអ្នកណានិយាយឈ្នះខ្ញុំទេ តែបែរជាមកចាញ់ក្រោមថ្វីមាត់ប្រុសម្នាក់ដែលមានឈ្មោះ ថាស្វាមីអញ្ចឹងសោះ (សើច)។

វល័ក្ខ៖ គាត់ជាមនុស្សសាមញ្ញបំផុតគ្មានទ្រព្យសម្បត្តិអីធំដំទេ តែគាត់មិនត្រឹមតែយកបានចិត្តខ្ញុំទេ សូម្បីម៉ាក់ប៉ាខ្ញុំ ក៏គាត់មិនលើកលែងដែរ។ គាត់ពូកែនិយាយណាស់អ្នកផ្ទះមួយណាក៏ចូលចិត្តស្ដាប់គាត់និយាយ មិនថារឿងសាច់ការឬក្រៅផ្លូវការនោះទេ។

សារី៖ មិត្តប្រុសខ្ញុំ ក្រៅពីមានចំណេះដឹង ការងារល្អ គាត់មានរឿងពិសេសមួយទៀត គឺសម្ដី។ ប្រុសដែលពូកែនិយាយខ្ញុំស្គាល់ច្រើនតែគាត់ជាមនុស្សទី១ក្នុងចំណោមគេគ្រប់គ្នា ដែលខ្ញុំស្ដាប់គាត់និយាយដោយគ្មានអារម្មណ៍ធុញទ្រាំបន្តិចឡើយ។

ថាវរីយ៍៖ ប្ដីបងពូកែធ្វើឲ្យបងខឹង អន់ចិត្ត និងលួចផឹកស៊ីក្រៅសឹងតែរាល់យប់ តែបងខឹងមិនដែលយូរចាញ់មន្តអាគមគាត់ហ្មង និយាយលួងបងបាត់ខឹងរហូត ។ ប្ដីពិននិយាយណាស់ ស្រីៗចូលចិត្តគាត់ហ្នឹងសឹងអី។

កាកា៖ អត់ចូលចិត្តប្រុសពូកែនិយាយពេកទេ និយាយច្រើនឆាប់ធុញណាស់ តែបើអត់ចេះនិយាយសោះក៏មិនកើតដែរបង។

ចុះស្រីៗដ៏ទៃទៀតគិតអញ្ចឹងដែរអត់?

អត្ថបទៈ តាំង ដាលីន