២០១៧ គួរលេងគូល័រភ្នែកបែបណា?

2017-02-07 05:04:46
ចំនួនមតិ 0 | ចំនួនចែករំលែក 0

ស្រីៗយើងបើ Make up អត់ស្អាតគឺមុខមិនស្រស់ទេ ហើយគិតជាងគេលើការប្រើគូល័រភ្នែក ធ្វើម៉េចឲ្យតែសម ស្អាត គឺញញឹមបិទមាត់មិនជិតទេ។ មកដល់២០១៧ហើយគួរលេងពណ៌ភ្នែកម៉េចទើបស្អាតដេញទាន់សម័យកាល?

តាមការឲ្យដឹងពីបងស្រីយ៉ាដែលជាអ្នកផាត់មុខធ្វើសក់បានប្រាប់កញ្ញាថា សម្រាប់អ្នកនិយមផាត់មុខបែបសិចស៊ី គឺប្រើពណ៌ខ្មៅ ប្រផេះក្រម៉ៅ ផាត់ឲ្យចេញទម្រង់រាងកាច រួចបន្ថែមស្រមោល តែកុំភ្លេចហាយឡាយត្រង់គល់ភ្នែកពណ៌មាស ដើម្បីឲ្យកាន់តែលេចធ្លោ ការលេងស្ទីលបែបនេះ គឺពេញនិយមខ្លាំង។

ចំណែកយុវតី ស្រីកាវិញយល់ថា ភ្នែកជាផ្នែកសំខាន់ «សម្រាប់ខ្ញុំចូលចិត្តលេងពណ៌ត្របកភ្នែកបែបរាងក្រម៉ៅ អាចស្វាយដិតលាយខ្មៅ ខៀវចាស់ ឬពណ៌ខ្មៅលាយទឹកមាសជាដើម»។

ងាកមកម្ចាស់ហាង ស្រីល័ក្ខ Make Up បង្ហើបថា បច្ចុប្បន្ននេះស្រីៗគេស្រលាញ់ការផាត់មុខស្ដើងៗ គេច្រើននិយមផាត់ភ្នែកឲ្យស៊ីនិងពណ៌ក្រែម គូល័រផាត់ភ្នែកត្រូវប្រយ័ត្នមែនទែន ត្រូវមើលលើទម្រង់មុខភ្ញៀវ ជៀសវៀងការផាត់ក្រាស់ខ្លាំង ដែលធ្វើឲ្យបាត់សម្រស់ដែលមានពីធម្មជាតិ។

អះអាងមិនខុសពីម្ចាស់ហាងលើប៉ុន្មានទេ ស្រីនិចដែលជានិសិត្សឆ្នាំទី២ ប្រាប់ថា ខ្ញុំចូលចិត្តលេងពណ៌ភ្នែកបែបស្ដើងៗ ដូចពួក K-pop មើលទៅ Cute បែបនារីសម័យថ្មី មិនចូលចិត្តពណ៌ចាស់ៗដិតៗទេ។

ចុះស្រីៗគ្នាយើងដ៏ទៃផ្សេងទៀតចូលចិត្តពេលគូល័រភ្នែកបែបណាដែរ?