និយមន័យនៃភាពមិនស្មោះត្រង់គឺមិនដូចគ្នាសម្រាប់មនុស្សទាំងអស់ និងសម្រាប់គូស្នេហ៍ទាំងអស់នោះទេ។ ក្នុងន័យនេះ យើងនឹងនិយាយអំពីមូលហេតុដែលមនុស្សស្រីអាចមិនស្មោះត្រង់ដោយសារមូលហេតុមួយចំនួនដូចជា៖

១ . បុរសកង្វះទំនាក់ទំនងផ្លូវអារម្មណ៍ជាមួយនាង

ប្រសិនបើភាពមិនស្មោះស្ម័គ្ររបស់បុរសជាទូទៅបង្កឡើងដោយការជំរុញផ្លូវភេទចំពោះស្ត្រី នោះបណ្តាលមកពីការខ្វះសេចក្តីស្រឡាញ់។ នៅពេលដែលទំនាក់ទំនងផ្លូវអារម្មណ៍ជាមួយដៃគូមិនល្អ ឬនៅពេលដែលបុរសមិនយកចិត្តទុកដាក់ ផ្តល់ភាពឯកោ នាងអាចនឹងស្វែងរកការបំពេញចន្លោះប្រហោងជាមួយមនុស្សម្នាក់ទៀតជាមិនខាន។ ស្ត្រីខ្លះផ្លាស់ប្តូរខ្លួនឯងដោយគិតថាជាបញ្ហា ហើយស្វែងរកភាពរីករាយម្តងទៀតជាមួយមនុស្សថ្មី។

២ . ការគោរពខ្លួនឯងទាប

ស្ត្រីដែលមិនស្មោះត្រង់តែងមិនគិតឲ្យតំលៃខ្លួនឯងនោះទេ ហើយឲ្យតំលៃអ្នកខាងក្រៅច្រើនជាង។ដូចនេះប្រសិនបើដៃគូរមិនគិតពីនាងទៀតនោះ នាងនឹងទៅរកអ្នកផ្សេង ដើម្បីឲ្យខ្លួនឯងមានអារម្មណ៏ល្អ។

៣ . ស្ត្រីមានការមិនពេញចិត្តខាងផ្លូវភេទ

ទោះបីជារឿងនេះត្រូវបានគិតថា ជាដែនផ្តាច់មុខរបស់បុរសក៏ដោយ ស្ត្រីជាច្រើនក៏មិនស្មោះត្រង់ផងដែរ ដោយសារតែភាពមិនពេញចិត្តខាងផ្លូវភេទដែលពួកគេជួបប្រទះជាមួយដៃគូរបស់ពួកគេ។ ប្រសិនបើការជួបផ្លូវភេទមានលក្ខណៈខ្វះខាត មានគុណភាពទាប ឬក្លាយជាទម្លាប់ នោះពួកគេអាចនឹងស្វែងរកភាពរីករាយជាមួយគូស្នេហ៍ថ្មី។

៤ . ស្ត្រីាមានកំហឹងនិងការសងសឹក

មូលហេតុចំបងមួយទៀតដែលស្ត្រីចាប់ផ្តើមមិនស្មោះត្រង់គឺការចង់សងសឹកដៃគូររបស់នាង ឬដាក់ទណ្ឌកម្មគាត់។ ដោយសារតែដៃគូខ្លួនគាត់មិនស្មោះត្រង់តាំងពីដំបូង ឬដោយសារតែស្ត្រីមានអារម្មណ៍ថាគាត់មិនបានប្រព្រឹត្ត តាមការរំពឹងទុករបស់នាង។

៥ . ស្ត្រីធុញទ្រាន់និងទម្លាប់

វាក៏អាចទៅរួចដែរ ដែលស្ត្រីនោះមិនស្មោះត្រង់ដោយសារជីវិតរបស់នាងក្នុងទំនាក់ទំនងបានក្លាយទៅជាឯកោ ធុញទ្រាន់ និងជាទម្លាប់គ្មានភាពរីករាយ មិនមានការរំភើប ហើយប្រសិនបើរឿងទាំងនេះមានកាន់តែយូរទៅៗ នោះធ្វើឲ្យនាងចាកចេញពីស្នេហាមួយនេះ។

៦ . ស្ត្រីមានបញ្ហាជាមួយដៃគូរបស់នាង

ក្នុងករណីភាគច្រើន វាគឺជាបញ្ហានៅក្នុងទំនាក់ទំនងចម្បងដែលនាំទៅរកភាពមិនស្មោះត្រង់របស់ស្ត្រី។ សេចក្តីស្រឡាញ់គឺផ្សំឡើងដោយចំណង់ចំណូលចិត្ត ភាពស្និទ្ធស្នាល និងការប្តេជ្ញាចិត្ត។ តែបើសិនបុរសមិនមានចំណុចទាំងនេះ អាចធ្វើឲ្យនារីបែកចិត្ត ផ្សេង ទៅរកអ្វីដែលថ្មីដែលនាងចង់បាន។

ប្រភព៖ steptohealth