ចូលរួមអបអរយុវតីកម្ពុជា៥រូបនៃ សាលាអន្តរជាតិ អាយ ស៊ី អេស បានឈ្នះមេដាយចំនួន ១៦គ្រឿង ក្នុងកម្មវិធីពានរង្វាន់សិស្សពូកែពិភពលោក វគ្គផ្តាច់ព្រ័ត្រពានជើងឯក (Tournament of Champions) ចុងក្រោយចាប់ពីថ្ងៃទី ៤ ដល់ថ្ងៃទី៨ ខែវិច្ឆិកា ឆ្នាំ២០២៣ នៅសាកលវិទ្យាល័យ Yale សហរដ្ឋអាមេរិកកន្លងទៅនេះ។

ដោយឡែក យុវតីកម្ពុជា៥រូប ដែលជាប់ក្នុងកម្មវិធីពានរង្វាន់សិស្សពូកែពិភពលោក វគ្គផ្តាច់ព្រ័ត្រពានជើងឯក លើមុខវិជ្ជាដូចជា៖

• 1. ពិភាក្សា និងវែកញែក
• 2. វិទ្យាសាស្រ្ត
• 3. បច្ចេកវិទ្យា
• 4. ប្រវត្តិសាស្រ្ត
• 5. សិក្សាសង្គម និង
• 6. អក្សរសាស្ត្រភាសាអង់គ្លេស

ដោយទទួលបានមេដាយចំនួន ១៦គ្រឿង ក្នុងនោះមេដាយមាស ១៣គ្រឿង និងមេដាយប្រាក់ ៣គ្រឿង កាលពីពេលថ្មីៗនេះកន្លងទៅនេះកាលពីថ្ងៃ ។

ជាក់ស្តែងក្នុងនោះ សម្រាប់យុវតីជ័យលាភីទាំង ៥រូបនោះរួមមាន:

• ១. យុវតី ថាច់ ស៊ីលីណា : មេដាយមាស ៥គ្រឿង និងមេដាយប្រាក់ ១គ្រឿង,
• ២. យុវតី ម៉ារ វីរិយា : មេដាយមាស ២គ្រឿង និងមេដាយប្រាក់ ១គ្រឿង,
• ៣. យុវតី ព្រំ សុទ្ធិ សុភបញ្ញាវត្តី : មេដាយមាស ២គ្រឿង និងមេដាយប្រាក់ ១គ្រឿង,
• ៤. យុវតី មាន ឯមមុនីនាថ : មេដាយមាស ២គ្រឿង
• ៥. យុវតី នេត មុនីនាថ : មេដាយមាស ២គ្រឿង។

គោលបំណងក្នុងការរៀបចំការប្រកួតប្រជែង ក្នុងកម្មវិធីពានរង្វាន់សិស្សពូកែពិភពលោក (World Scholar’s Cup 2023) មានសិស្សសរុប ជាង១៥០០នាក់ ពីបណ្តាប្រទេសចំនួន៨២ ចូលរួម ក្នុងកម្មវិធីលំដាប់ថ្នាក់ពិភពលោកមួយនេះ ដែលបានរៀបចំឡើងក្នុងគោលបំណងទាក់ទាញសិស្សានុសិស្សឲ្យមានភាពក្លាហាន បង្ហាញនូវគំនិត បញ្ញា សា្មរតី ក្នុងការចូលរួមបញ្ចេញសមត្ថភាពប្រកួតប្រជែង ព្រមទាំងការពង្រឹងសមត្ថភាពជុំវិញបញ្ហាដែលកើតមាននៅជុំវិញខ្លួនរបស់ពួកគេក្នុងពេលបច្ចុប្បន្ន និងជាកត្តិយសមួយយ៉ាងមានមទនភាពអាចបង្ហាញមុខនៅលើឆាកអន្តរជាតិបានស្គាល់វត្តមានពួកគាត់ សម្រាបសមត្ថភាពកូនខ្មែរលើឆាកអន្តរជាតិពិតជាអស្ចារ្យ៕

ប្រភព​ &​រូបភាព៖ ICS International School