តារាសម្ដែងប្រុស TVB ត្រូវគេកាប់ ត្រូវដេរ១០០ថ្នេរ

2022-10-18 07:40:00
ចំនួនមតិ 0 | ចំនួនចែករំលែក 0

តារាសម្ដែងប្រុសជើងចាស់ហុងកុង Huang Jun Feng ត្រូវគេកាប់ នៅពេលនេះមិនទាន់បាត់ភ័យខ្លាចនៅឡើយ ដោយត្រូវផឹកថ្នាំងងុយគេងរាល់ថ្ងៃ។

កាលពីថ្ងៃទី ១៧ ខែតុលាកន្លងទៅនេះ បណ្ដាញព័ត៌មាន HK01 បានរាយការណ៍ថា សុខភាពរបស់តារាសម្ដែងប្រុសហុងកុង Huang Jun Feng មានអាការៈធូរស្រាលជាងមុន ក្រោយពេលត្រូវគេកាប់ចំមុខ ដៃ និងខ្លួនដោយកាំបិតកាលពីខែកញ្ញា។

យ៉ាងណាក្ដី ដោយសារតែដៃត្រូវធ្ងន់ខ្លាំងពេក ដៃរបស់លោកមិនអាចប្រែទៅជាសភាពដើមបានឡើយ និងមានស្នាមជារៀងរហូត។ យ៉ាងណាក្ដី អ្វីដែលធ្វើឲ្យលោកប៉ះពាល់ធ្ងន់ធ្ងរបំផុតសម្រាប់តារាកើតឆ្នាំ ១៩៧៨ជាងគេនោះគឺ ស្មារតីរបស់លោកត្រូវប៉ះពាល់ខ្លាំង ដោយលោកមិនអាចគេងដោយគ្មានថ្នាំងងុយគេងបានឡើយ គឺនៅភ័យខ្លាចនៅឡើយ។

យ៉ាងណាក្ដី តារាប្រុស TVB នៅតែមានអារម្មណ៍ថាសំណាងព្រោះលោកនៅមានជីវិតក្រោយពេលដេរជាង១០០ថ្នេរ។ លោកសង្ឃឹមថា ក្រោយពេលមុខជាសះស្បើយ លោកអាចត្រលប់មកសម្ដែងវិញបាន។ មុននោះដែរ លោកត្រូវជនមិនស្គាល់មុខយកកាំបិតកាប់ នៅពេលលោកកំពុងញ៉ាំអាហារនៅភោជនីយដ្ឋានមួយជាមួយមិត្តរួមការងារ។