ឈិន ឡុងរងការរិះគន់ព្រោះទុកកូនឲ្យទៅសុំរបស់ញ៉ាំលើផ្លូវ

2022-10-17 02:35:00
ចំនួនមតិ 0 | ចំនួនចែករំលែក 0

នៅលើបណ្ដាញសង្គម តារាសម្ដែងប្រុសជើងចាស់ចិន Jackie Chan ត្រូវគេរិះគន់ជាខ្លាំង ក្រោយពេលរូបភាពកូនស្រីរបស់លោកឈរចាំសុំរបស់ញាំអត់គិតថ្លៃ។

កាលពីថ្ងៃទី ១៦ ខែតុលាកន្លងទៅនេះ បណ្ដាញព័ត៌មាន Sina បានរាយការណ៍ថា តារាសម្ដែងប្រុសចាស់វស្សាចិន Jackie Chan បានចូលរួមក្នុងកម្មវិធីមួយសម្រាប់យុវវ័យនៅទីក្រុងប៉េកាំង ប្រទេសចិន។ នៅទីនេះ លោកក៏បានសម្ដែងក្បាច់គុនកុងហ្វូឲ្យក្មេងៗមើលផងដែរ។

ខណៈអ្នកមានវត្តមាននៅក្នុងកម្មវិធីបង្ហាញពីភាពពេញចិត្តចំពោះលោកនេះ នៅលើបណ្ដាញសង្គមវិញ លោករងការរិះគន់ជាខ្លាំង ដ្បិតគេថាលោកជាមនុស្សមុខពីរ។ ជាក់ស្ដែង មុននោះដែរ កូនស្រីរបស់លោកឈ្មោះ Etta Ng ត្រូវបានប្រទះឃើញឈរតម្រង់ជួរចាំគេចែកអាហារនៅទីក្រុង Toronto ប្រទេសកាណាដាព្រោះគ្មានលុយគ្រប់គ្រាន់ដើម្បីទិញ។

កូនស្រីឥតខាន់ស្លារបស់ តារាប្រុសខាងលើទៅធ្វើការពលកម្មនៅតំបន់ Chinatown ជារៀងរាល់ថ្ងៃដើម្បីចិញ្ចឹមខ្លួនឯង ដ្បិតឪពុកមិនទំនុកបម្រុង។ នៅលើបណ្ដាញសង្គម មនុស្សជាច្រើនបានបញ្ចេញមតិថា លោករូបភាពដែលលោកខំកសាងមកនេះគឺក្លែងក្លាយ ដោយលោកមានទ្រព្យចាយមិនអស់ តែទុកឲ្យកូនឈរសុំអាហារគេញ៉ាំ៕

ប្រភព៖ ngoisao ប្រែសម្រួល៖ Caramel