តារា​សម្ដែង​ស្រី​កំពុង​ឡើង​កូដ​ចិន Zhou Ye ត្រូវ​បាន​សរសើរ​ថា​ស្អាត​ដូច​អ្នក​នាង​ត្រកូល​អភិជន និង​ត្រូវ​បាន​ប្រៀបធៀប​នឹង​តារា​ចម្រៀង​ស្រី​​កូរ៉េ Jisoo។

កាល​ពី​ថ្ងៃ​ទី ១០ ខែ​តុលា​កន្លង​ទៅ​នេះ បណ្ដាញ​ព័ត៌មាន 163 បាន​រាយការណ៍​ថា តារា​សម្ដែង​ស្រី​វ័យ​ក្មេង​កំពុង​ល្បី​ឈ្មោះ Zhou Ye គឺ​ជា​តារា​កិត្តិយស​របស់​ទស្សនា​វដ្ដី​ល្បី​ឈ្មោះ Vouge ដែល​ត្រូវ​បាន​ប្រព្រឹត្ត​ឡើង​នៅ​ទីក្រុង​ប៉េកាំង ដោយ​មាន​តែ​តារា​ជួរ​មុខ​ប៉ុណ្ណោះ​ទើប​អាច​ចូល​រួម​បាន។

មាន​វត្តមាន​ក្នុង​កម្មវិធី ស្រីស្អាត​អាយុ ២៤​ឆ្នាំ ស្លៀក​រ៉ូប​របស់​ប្រេន Dior ពណ៌​ខ្មៅ ដែល​​ម៉ូដ​នៅ​ក្នុង​ Collection នេះ​ក៏​ធ្លាប់​ត្រូវ​បាន​កំពូល​តារា​ចម្រៀង​ស្រី​កូរ៉េ Jisoo ស្លៀក​រួច​មក​ហើយ។ យ៉ាងណាក្ដី តួរឿង Better Days ត្រូវ​បាន​គេ​វាយ​តម្លៃ​ថា​ស្លៀក​ស្អាត​ជាង ហើយ​មើល​ទៅ​ដូច​អ្នក​នាង​ក្នុង​ត្រកូល​អភិជន​នៅ​ក្នុង​រឿង។

នៅ​ក្នុង​កម្មវីធី​ដដែល Zhou Ye ប្ដូរ​ឈុត​ពីរ ដោយ​ឈុត​ទី​ពីរ​ពណ៌​ស ធ្វើ​ឲ្យ​នាង​ត្រូវ​បាន​គេ​សរសើរ​ថា​ស្អាត​ដូច​ព្រះនាង​នៅ​ក្នុង​រឿង​និទាន៕