Sandara ប្រាប់ថារកបាន៣០លានដុល្លារពិតមែន តែទិញស្បែកជើងអស់ហើយ
- 2022-10-07 02:45:00
- ចំនួនមតិ 0 | ចំនួនចែករំលែក 0
Sandara ប្រាប់ថារកបាន៣០លានដុល្លារពិតមែន តែទិញស្បែកជើងអស់ហើយ
តារាចម្រៀងស្រីល្បីឈ្មោះកូរ៉េ Sandara Park ទទួលស្គាល់ថាខ្លួនពិតជារកលុយបាន៣០លានដុល្លារក៏ពិតមែន តែបានចាយអស់ហើយ។
កាលពីថ្ងៃទី ៦ ខែតុលាមុននេះ បណ្ដាញព័ត៌មាន Nate បានរាយការណ៍ថា តារាចម្រៀងស្រីល្បីឈ្មោះកូរ៉េ Sandara Park គឺជាតារាកិត្តិយសនៅក្នុងភាគថ្មីនៃកម្មវិធី Problem Child in House។ មានវត្តមានក្នុងកម្មវិធី សមាជិកក្រុមចម្រៀង 2NE1 បាននិយាយពីអត្ថបទដែលចុះផ្សាយថា នាងគឺជាសិល្បការិនីមានទី៣នៅក្នុងសិល្បៈកូរ៉េ ដោយឈរក្រោយតែ IU និង Lee Hyo Ri។ អត្ថបទមួយបានចុះផ្សាយថា ម្ចាស់បទ Kiss មានទ្រព្យប្រមាណ៣០លានដុល្លារ នៅក្នុងអាជីពរបស់ខ្លួន។ តារាស្រីអាយុ ៣៧ឆ្នាំប្រាប់ថា បើបូកសរុបទាំងអស់ នាងប្រហែលពិតជារកបានលុយចំនួនប៉ុននេះមែន តែនាងបានចាយអស់ហើយ ដោយនាងបានទិញស្បែកជើង១០០០គូ និងស្បែកជើងដែលថ្លៃជាងគេរបស់នាងមានតម្លៃ១៤០០០ដុល្លារ។
នាងបានបន្ថែមថា ប្រសិនបើនាងយកលុយនោះទៅទិញអចលនទ្រព្យ គឺនាងអាចសល់បានប៉ុន្មានកន្លែងដែរ តែនាងទិញអីវ៉ាន់ច្រើនពេក ទើបមិនសល់លុយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
