តារាចម្រៀងប្រុសចិន ត្រូវគេច្រឡំថាជាមនុស្សស្រី
- 2022-10-05 01:00:00
- ចំនួនមតិ 0 | ចំនួនចែករំលែក 0
តារាចម្រៀងប្រុសចិន ត្រូវគេច្រឡំថាជាមនុស្សស្រី
ដោយសារមានរាងស្គមស្ដើង ស្បែកស ធ្វើឲ្យតារាចម្រៀងប្រុសវ័យក្មេងចិន Hu Yetao ត្រូវគេច្រឡំថាជាមនុស្សស្រី។
កាលពីថ្ងៃទី ២៩ ខែកញ្ញាកន្លងទៅនេះ បណ្ដាញព័ត៌មាន Sina បានរាយការណ៍ថា តារាចម្រៀងប្រុសចេញពីកម្មវីធី Chuang 4 ឈ្មោះ Hu Yetao ត្រូវបានអ្នកគាំទ្រប្រទះឃើញតាមផ្លូវទៅធ្វើការ។ ខណៈអ្នកគាំទ្រមួយចំនួនដឹងថា លោកគឺជាមនុស្សប្រុសនោះ មួយចំនួនច្រើនស្មានថា តារាចម្រៀងរូបនេះគឺជាមនុស្សស្រី។
នៅពេលត្រូវបានគេប្រាប់ថា ប្រុសស្អាតកើតឆ្នាំ២០០០គឺជាមនុស្សប្រុស ពួកគេបានសម្ដែងការភ្ញាក់ផ្អើលជាខ្លាំង និងស្ទើរតែមិនជឿនឹងភ្នែកខ្លួនឯង។ ជាមួយនឹងរូបរាងស្គមស្ដើង សក់វែង ព្រមទាំងស្បែកស នេះមិនមែនជាលើកទីមួយឡើយដែល Hu Yetao ត្រូវគេច្រឡំជាមនុស្សស្រី។
កាលពីចូលប្រកួតក្នុងកម្មវិធី Chuang 4 លោកក៏ធ្លាប់ធ្វើឲ្យគេភ្ញាក់ផ្អើលដែរ ព្រោះកម្មវិធីប្រលងជ្រើសតារាចម្រៀងប្រុស តែគេស្មានតែមានមនុស្សស្រីចូលរួមទៅវិញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
