បែកធ្លាយព័ត៌មាន Wang Yi Bo កំពុងមានស្នេហាជាមួយអ្នកស្នងមរតក៥០ពាន់លានដុល្លារ

2022-10-04 09:05:00
ចំនួនមតិ 0 | ចំនួនចែករំលែក 0

តារាសម្ដែង និងចម្រៀងប្រុសជួរមុខចិន Wang Yi Bo ត្រូវបានគេសង្ស័យថា កំពុងមានមនោសញ្ចេតនាជាមួយ អ្នកនាងនៃក្រុមហ៊ុនដ៏ធំមួយនៅប្រទេសចិន។

កាលពីថ្ងៃទី ២ ខែតុលាកន្លងទៅនេះ បណ្ដាញព័ត៌មាន Sohu បានរាយការណ៍ថា តារាសម្ដែង និងចម្រៀងប្រុសល្បីឈ្មោះចិន Wang Yi Bo ត្រូវបានក្លាយជាប្រធានបទគេស្វែងរកច្រើនជាងគេលើបណ្ដាញសង្គម Weibo ក្រោយពេលមានពាក្យចចាមអារ៉ាមពីរឿងស្នេហារបស់លោកកើតឡើង។

តាមនោះដែរ តួរឿង The Legend of Fei ត្រូវបានគេសន្និដ្ឋានថាកំពុងមានស្នេហាជាមួយ Qi Mei He អ្នកនាងរបស់សម្ព័ន្ធក្រុមហ៊ុន Sparkle Roll Group ដែលជាក្រុមហ៊ុនគ្រប់គ្រងស្លាកសញ្ញាពាណិជ្ជកម្មធំជាងគេនៅប្រទេសចិន ដោយមានទ្រព្យសរុបឡើងដល់ ៥០ពាន់លានដុល្លារ។

មូលហេតុនៃការបែកធ្លាយនេះនោះគឺ នៅក្នុងទូរសព្ទរបស់ប្រុសស្អាតអាយុ ២៥ឆ្នាំ គឺមានរូបថតរបស់ Qi Mei He។ ដោយសារតែឪពុករបស់ Mei He គឺជាមិត្តរបស់កំពូលតារាសម្ដែងប្រុសឈិន ឡុង ដូចនេះនាងស្គាល់សិល្បករមួយចំនួនដែរ តែមិនធ្លាប់មានព័ត៌មានស្នេហាជាមួយតារាប្រុសណាក្រៅពី Wang Yi Bo ឡើយ៕