កំពូល​តារា​ចម្រៀង​ប្រុស​កូរ៉េ G-Dragon ទើប​តែ​ទិញ​ផ្ទះ​ថ្មី​ដែល​មាន​តម្លៃ​បំបែក​កំណត់​ត្រា​សម្រាប់​អចលទ្រព្យ​ក្នុង​តំបន់​ដោយ​លុយ​សុទ្ធ។

កាល​ពី​ថ្ងៃ​ទី ៦ ខែ​មិថុនា​​មុន​នេះ បណ្ដាញ​ព័ត៌មាន Hankuk Kyungje បាន​ទិញ​ផ្ទះ​ខុនដូ penthouse នៅ​ក្នុង​គម្រោង Nine One Hannam ទីក្រុង​សេអ៊ូល ប្រទេស​កូរ៉េ ជាមួយ​តម្លៃ ១៣.២​លាន​ដុល្លារ។ ផ្ទះ​ដែល​តារា​ប្រុស​អាយុ ៣៣ឆ្នាំ សម្រេច​ទិញ​នេះ មាន​ទំហំ ២៤៤​ម៉ែត្រ​ការ៉េ។ ម្ចាស់​បទ Heart Breaker បាន​បង់​ផ្ទះ​​តែ​ម្ដង នៅ​ថ្ងៃ​ទី ២៩ ខែ​មីនា។

កាល​ពី​ឆ្នាំ ២០២០ ប្រុស​ស្អាត​ខាង​លើ​ ក៏​បាន​ទិញ​ផ្ទះនៅ​គម្រោង​ខាង​លើ​មួយ​ខ្នង​រួច​ទៅ​ហើយ ដែល​មាន​ទំហំ​តូច​ជាង និង​មាន​តម្លៃ ៧.២​លាន​ដុល្លារ។ ប្រព័ន្ធ​ដីធ្លី​របស់​ទីក្រុង​សេអ៊ូល​បាន​ផ្ដល់​ទិន្និន័យ​ថា មុន​នោះ​ ផ្ទះ​ខុនដូ​ដែល​មាន​តម្លៃ​ថ្លៃ​ជាង​គេ​គឺ ១១.៦​លាន​ដុល្លារ នៅ​ក្នុង​គម្រោង The Penthouse Cheongdam ដូច​នេះ ការ​ដែល​មេក្រុម​ចម្រៀង Bigbang ទិញ​ផ្ទះ​ថ្មី​នេះ បាន​បំបែក​កំណត់​ត្រា​ផ្ទះ​ខុន​ដូ​ថ្លៃ​ជាង​គេ​ហើយ។

Nine One Hannam គឺ​ជា​គម្រោង​ផ្ទះ​លំដាប់​ខ្ពស់​នៅ​ចំកណ្ដាល​ក្រុង​សេអ៊ូល រួម​មាន ៩​អគារ និង​ផ្ទះ ៣៤១​ខ្នង ដែល​ជា​គេហដ្ឋាន​របស់​តារា​ជា​ច្រើន​ដូច​ជា Jun Ji Hyun, Lee Jong Suk, BTS និង EXO ជាដើម៕