វាអាចនឹងមិនមែនជារឿងងាយស្រួលនោះទេ ដើម្បីប្រើប្រាស់ជីវិតអ្នកមួយនេះអោយមានប្រយោជន៏បំផុតតាមដែលអាចធ្វើទៅបាន ព្រមទាំងបន្សល់ទុកស្នាដៃពីភាពជោគជ័យនោះ។ នៅក្នុងដំណាក់កាលមួយ​ អ្នកអាចនឹងជួបប្រទះនឹងមនុស្ស ឬ ស្ថានការណ៏ណាមួយដែលជម្រុញ និង លើកទឹកចិត្តអ្នក។ អ្វីដែលអ្នកជ្រើសរើសធ្វើបន្ទាប់បន្តទៀត គឺអាស្រ័យលើអ្នកតែម្នាក់គត់។ មនុស្សភាគច្រើនតែងតែចាត់ទុកអាជីពការងារ និង ទ្រព្យសម្បត្តិជាភាគជោគជ័យក្នុងជីវិត តែតាមពិតទៅពាក្យថាជោគជ័យនេះគឺមានអត្ថន័យជ្រាលជ្រៅណាស់។ មានតែអ្នកម្នាក់គត់ ជាអ្នកកំណត់ថាភាពជោគជ័យជាអ្វី លក្ខណៈទាំងនេះហើយដែលបង្ហាញថា អ្នកកំពុងតែដើរលើផ្លូវដែលសក្តិសមបំផុតហើយ៖

១. អ្នកចូលចិត្តបញ្ចេញសកម្មភាព ជៀសជាងទំនេរ

អ្នកគឺជាមនុស្សម្នាក់ដែលចូលចិត្តធ្វើការងារ មិននៅស្ងៀមមួយកន្លែង។ អ្នកមិនភ័យខ្លាចក្នុងការបង្កើតកំហុសនៅតាមផ្លូវនោះទេ ព្រោះនៅក្នុងចិត្តអ្នក អ្នកនឹងផ្លាស់ប្តូរវិធីសាស្រ្តបានបន្ទាប់ពីឃើញលទ្ធផល។ ពេលខ្លះអ្នកក៏អាចឃើញថាខ្លួនអ្នកចចេសរឹងរូសខ្លាំងណាស់ដែរ។ អ្នកកាន់តួនាទីជាអ្នកដឹកនាំយ៉ាងងាយស្រួល ហើយអ្នកពិតជាពេញចិត្តនឹងទំនួលខុសត្រូវដែលភ្ជាប់មកជាមួយវានោះណាស់។

២. អ្នកចូលចិត្តបើកចិត្តទូលាយ

ចរិតសំខាន់បំផុតមួយរបស់មនុស្សជោគជ័យគឺរៀនរក្សាចិត្តឱ្យទូលាយអំពីអ្វីៗទាំងអស់។ អ្នកអាចនឹងកត់សម្គាល់ថា នៅពេលដែលរៀនកាន់តែច្រើនអ្នកដឹងថាចំណេះដឹងអ្នកមានតិចតួចប៉ុណ្ណា។ ផ្នត់គំនិតបែបនេះហើយដែលអនុញ្ញាតឱ្យអ្នកទាញយកអត្ថប្រយោជន៍ពីឱកាសដែលបង្ហាញពីខ្លួនអ្នកជុំវិញអ្នក។ អ្នកតែងតែបើកចំហចំពោះគំនិតថ្មីៗ វិធីថ្មីៗ ទោះជាពេលខ្លះមិនសមស្របនឹងគំនិតផ្ទាល់ខ្លួនអ្នកក្ដី។

៣. អ្នកមានទម្លាប់កំណត់គោលដៅសម្រាប់ខ្លួនឯង

មនុស្សភាគច្រើនគិតថាការដាក់គោលដៅមានន័យថា“ តើខ្ញុំត្រូវការអ្វីប្រាំឆ្នាំទៀត?” តែសម្រាប់អ្នកវិញ យល់ច្បាស់ពីសារៈសំខាន់នៃការកំណត់គោលដៅប្រចាំថ្ងៃ។ អ្នកយល់ថាពេលខ្លះការដាក់គោលដៅរយៈពេលវែងអ្នកអាចបាត់បង់ចក្ខុវិស័យរបស់អ្នកដូច្នេះអ្នកបង្កើតគោលដៅប្រចាំថ្ងៃតូចៗដែលនឹងជួយអ្នកឱ្យសម្រេចបាននូវចក្ខុវិស័យកាន់តែងាយស្រួល។ អ្នកគឺជាអ្នកសុទិដ្ឋិនិយមពិតប្រាកដ។

៤. អ្នកមិនអោយភាពបរាជ័យពីអតីតមករារាំងភាពជោគជ័យនាពេលអនាគត

អ្នកដឹងយ៉ាងច្បាស់ថា អ្វីដែលបានធ្វើរួចរាល់នៅអតីតកាល មិនអាចវិលត្រឡប់មកវិញនិងផ្លាស់ប្តូរបាននោះទេ។ អ្នកតែងប្រើអតីតកាលរបស់អ្នកជាឧបករណ៍សំខាន់សម្រាប់អនាគតរបស់អ្នក។ អ្វីៗទាំងអស់ពីអតីតកាលរបស់អ្នកបាននាំអ្នកមកដល់បច្ចុប្បន្ន ហើយអ្នកដឹងថាមិនត្រូវខ្ជះខ្ជាយពេលវេលារបស់អ្នកទៅលើវានោះទេ។ អ្នកដឹងថាការគិតពីរឿងអតីតបែបនោះ មិនខុសពីប្លន់ខ្លួនឯងពីបច្ចុប្បន្ននិងអនាគត។ អ្នកអាចសម្របខ្លួនបានទាំងស្រុង ហើយអ្នកចាប់យកការផ្លាស់ប្តូរយ៉ាងពេញលេញ។

៥. អ្នកអាចពន្យារពេលក្នុងការទទួលបានរង្វាន់សម្រាប់ការខិតខំប្រឹងប្រែង

ការពន្យាពេលការដឹងគុណ ត្រូវបានអនុវត្តលើគ្រប់ទិដ្ឋភាពនៃជីវិត មិនថាជាអាជីពការងារ ហិរញ្ញវត្ថុ ទំនាក់ទំនង សុខភាពជាដើម។ អ្នកមានសមត្ថភាពពិសេសក្នុងការមិនអើពើរពីភាពស្រណុកសុខស្រួលក្នុងរយៈពេលខ្លី ព្រោះអ្នកដឹងថាវាជាធាតុសំខាន់នៅពេលដែលអ្នកព្យាយាមឈានដល់គោលដៅចុងក្រោយរបស់អ្នក។

៦. អ្នកតែងតែព្យាយាមពង្រឹងភាពខ្លាំងរបស់អ្នក

អ្នកប្រើភាពខ្លាំងរបស់អ្នកជាគ្រឹះឆ្ពោះទៅរកភាពជោគជ័យ។ អ្នកពឹងផ្អែកលើអ្វីដែលអ្នកស្ទាត់ជំនាញ ហើយប្រើវាដើម្បីធ្វើអ្វីដែលអ្នកពេញចិត្ត។ អ្នកដឹងច្បាស់ពីចំណុចខ្សោយរបស់អ្នក ហើយតែងតែព្យាយាមសំឡឹងមើលអ្នកដទៃ ដើម្បីចំណេះដឹងនិងជំនាញរបស់ពួកគេ ដើម្បីបំពេញអ្វីដែលអ្នកខ្វះខាត។ អ្នកដឹងថាអ្នកមិនអាចធ្វើអ្វីគ្រប់យ៉ាងដោយខ្លួនឯងបានទេ ដូច្នេះការជួយអ្នកដទៃនៅពេលត្រូវការមិនមែនជាការងារពិបាកសម្រាប់អ្នកទេ។

៧. អ្នកមានមហិជ្ជតាផ្ទាល់ខ្លួន

អ្នកអាចមើលឃើញយ៉ាងច្បាស់ថាខ្លួនអ្នកល្អបំផុតនៅត្រង់ចំនុចណា។ អ្នកភ្ញាក់ពីគេងរាល់ថ្ងៃដោយត្រៀមខ្លួនយ៉ាងរួចរាល់ ដើម្បីដោះស្រាយបញ្ហា និង រើសមើលថាអ្វីទៅដែលត្រូវបោះចោល ព្រោះដឹងថាក្នុងរយៈពេលវែងវានឹងជួយអ្នកឱ្យសម្រេចគោលដៅចុងក្រោយរបស់អ្នកបានមិនខាន។ អ្នកដឹងថាវាមិនមែនគ្រាន់តែធ្វើការច្រើនម៉ោង ទើបអាចជួយអ្នកអោយធ្វើដំណើរដល់ទីបញ្ចប់នោះទេ។ មហិច្ឆតាពិត ជាមូលហេតុនៃជីវិត ជាព្រលឹងរបស់អ្នក ប្រាប់អ្នកពីអត្ថន័យនៃជីវិត។

៨. អ្នកតែងតែមានចិត្តចង់បង្កើនសមត្ថភាពខ្លួនជានិច្ច

អ្នកតែងតែមានចិត្តចង់អោយខ្លួនឯងប្រសើរជាងមុន ពេលខ្លះរហូតដល់ថ្នាក់ដាក់កម្រិត ហាមប្រាមខ្លួនឯងជាច្រើនរឿង។ អ្នកតែងតែចង់ផ្លាស់ប្តូរនិងកែលម្អជានិច្ច ដូច្នេះអ្នកអាចក្លាយជា Version ដ៏ល្អបំផុតនៃខ្លួនឯង។ អ្នកមិនចេះស្កប់ស្កល់នោះទេ អ្នកគឺជាអ្នករិះគន់ដ៏ខ្លាំងបំផុតរនៃជីវិតអ្នក។