ហួសហេតុ! ជាប់គុក១០ឆ្នាំព្រោះតេស្តកូវីដ ១៩ ត្រង់ប្រដាប់ភេទមនុស្សស្រី

2022-02-09 10:30:00
ចំនួនមតិ 0 | ចំនួនចែករំលែក 0

តាមការរាយការណ៍ប៉ូលិស នៅពេលមកដល់ផ្ទះវិញ ជនរងគ្រោះទើបដឹងថា ការតេស្តជំងឺកូវីដ ១៩ គឺមិនត្រូវដាក់បំពង់តេស្តនៅប្រដាប់ភេទនោះឡើយ។

កាលពីថ្ងៃទី ៨ ខែកុម្ភៈកន្លងទៅនេះ បណ្ដាញព័ត៌មាន India Times បានរាយការណ៍ថា បុគ្គលិកពេទ្យប្រុសម្នាក់នៅប្រទេសឥណ្ឌា ត្រូវបានតុលាការកាត់ក្ដីឲ្យជាប់ពន្ធគាររយៈពេល១០ឆ្នាំ ព្រោះមានបំណងបៀតបៀនផ្លូវភេទនារីម្នាក់ ដោយយកឧបករណ៍តេស្តកូវីដ ១៩មកដាក់ចូលក្នុងប្រដាប់ភេទរបស់នាង។ តាមនោះដែរ រឿងហេតុបានកើតឡើងនៅទីក្រុង Badnera កាលពីថ្ងៃទី ២០ ខែកក្កដា ឆ្នាំ២០២០។ នៅពេលនោះ នារីម្នាក់ដែលធ្វើការនៅផ្សារទំនើប Amravati អាយុ ២៣ឆ្នាំ បានមកពេទ្យដើម្បីតេស្តកូវីដ ១៩។ បុគ្គលិកពេទ្យឈ្មោះ Alpesh Deshmukh បានប្រើឧបករណ៍តេស្តទៅដាក់នៅប្រដាប់ភេទនារីខាងលើ។

មុនពេលធ្វើការតេស្ត បុគ្គលិកខាងលើបានប្រាប់នាងថា នាងវិជ្ជមាន ដូចនេះហើយ ត្រូវតេស្តនៅប្រដាប់ភេទ តែក្រោយពេលតេស្តរួច លោកប្រាប់វិញថា នាងអវិជ្ជមាន។ នៅពេលទៅដល់ផ្ទះវិញ ទើបនាងដឹងថា តេស្តកូវីដមិនមែននៅប្រដាប់ភេទឡើយ ហើយគ្រួសារនាងបានប្ដឹងបុគ្គលនោះភ្លាមៗ ហើយថ្មីៗនេះ តុលាការបានសម្រេចឲ្យលោកជាប់ពន្ធគារចំនួន១០ឆ្នាំ ពីបទបៀតបៀនផ្លូវភេទ៕

ប្រភព៖ Kenh14 ប្រែសម្រួល៖ Caramel