Adele ចាយលើអ្វីខ្លះជាមួយទ្រព្យសម្បត្តិ ១៩០លានដុល្លារ?

2021-10-18 14:00:00
ចំនួនមតិ 0 | ចំនួនចែករំលែក 0

ក្រោយប្រឡូកសិល្បៈជាច្រើនឆ្នាំ កំពូលតារាចម្រៀ់ងស្រីអង់គ្លេស Adele មានទ្រព្យសរុបប្រមាណ ១៩០លានដុល្លារ រួមមានប្រាក់សុទ្ធ និងអចលនទ្រព្យជាច្រើនកន្លែងនៅសហរដ្ឋអាមេរិក និងប្រទេសអង់គ្លេស។ មុននេះបន្តិច បណ្ដាញព័ត៌មាន SCMP បានរាយការណ៍ថា តារាចម្រៀងស្រីជួរមុខអង់គ្លេស Adele នឹងត្រលប់មកសង្វៀនចម្រៀងវិញនៅថ្ងៃទី ១៥ ខែតុលានេះ ក្រោយបាត់មុខ៦ឆ្នាំ។ ភ្លាមៗក្រោយពេលនាងប្រកាសពីការត្រលប់មកវិញ ឈ្មោះរបស់សិល្បការិនីអាយុ ៣៣ឆ្នាំបានគ្របដណ្ដប់គ្រប់បណ្ដាញសង្គមទាំងអស់។

ប្រភពដដែលបានបានឲ្យដឹងថា ទោះបីជាទើបតែបញ្ចេញបាន ៣អាល់ប៊ុមក៏ពិតមែន តែអ្នកម្ដាយកូណ១បានលក់អស់ ១២០លានច្បាប់ហើយ ហើយមានទ្រព្យសរុបដល់ទៅ ១៩០លានដុល្លារ។ ប្រភពមួយនេះក៏បង្ហាញពីវិធីដែលនាងចាយលុយដូចគ្នា ជាមួយទ្រព្យដ៏មហាសាលមួយនេះ។

តាមនោះដែរ ម្ចាស់បទ Hello គឺជាអ្នកវិនិយោគអចលនទ្រព្យដ៏ធំមួយ ដោយកាលពីឆ្នាំមុន នាងបានទិញថែមភូមិគ្រឹះមួយ Beverly Hills សហរដ្ឋអាមេរិក ក្នុងតម្លៃ១០លានដុល្លារ។ កាលពីឆ្នាំ ២០១៦នាងក៏ធ្លាប់ចាយ ៩.៥ដុល្លារ នៅក្នុងតំបន់ដដែលនេះរួចទៅហើយ។ កាលពីឆ្នាំ ២០១៩ ក្រោយពេលលែងលះប្ដី នាងបានរើចេញ ហើយទិញផ្ទះភ្លាមៗនៅក្បែរនោះ ក្នុងតម្លៃ ១០.៧លានដុល្លារ ដើម្បីឲ្យកូនងាយជួបពុក។

សម្រាប់ការចំណាយលើខ្លួនឯងវិញ ក្រោយពេលទទួលបានបណ្ណបើកបរ Adele បានចំណាយ១៣ម៉ឺនដុល្លារដើម្បីទិញរថយន្តម៉ាក Porsche Cayenne។ សម្រាប់កូនប្រុសរបស់ខ្លួន នាងហ៊ានចំណាយដល់ទៅ ២៧០០០ដុល្លារ ដើម្បីទិញផ្ទះក្មេងលេងកម្ពស់៣ជាន់ មានរបងឲ្យកូនប្រុសរបស់ខ្លួន។ ២៧០០០ដុល្លារ ក៏ជាចំនួនទឹកប្រាក់ដែលនាងចំណាយលើការថែរក្សាសម្រស់របស់ខ្លួនសម្រាប់រយៈពេល១ឆ្នាំៗដូចគ្នា៕