មនុស្សស្រីដែលអ្នកគិតថាឆ្លាតជាងគេ អាចបង្ហាញថាអ្វីដែលសំខាន់ជាងគេសម្រាប់ជីវិតអ្នកក្នុងពេលនេះ៖

មនុស្សស្រីទី ១ - ខ្លួនឯង

បើសិនជាអ្នកជ្រើសរើសនារីទី ១ អ្វីដែលអ្នកយកចិត្តទុកដាក់ជាងគេបំផុតនៅក្នុងពេលនេះ គឺអ្នក។ អ្នកជាមនុស្សដែលមានភាពជឿជាក់លើខ្លួន ដែលពេលខ្លះអាចធ្វើអោយមានអារម្មណ៏ឆេវឆាវបានយ៉ាងងាយពេលមានរឿងមិនពេញចិត្តកើតឡើងមក។ ទោះជារឹងរូសបន្តិចមែន អ្នកជាមនុស្សដែលដឹងថាខ្លួនចង់បានអ្វី​ ហើយប្រឹងប្រែងទាល់តែអស់ពីលទ្ធភាព ដើម្បីសម្រេចវា។ អ្នកជាមនុស្សដែលមានសន្តានចិត្តល្អណាស់ ហើយមានចិត្តស្មោះស័គ្រ្មល្អណាស់ ពេលដែលដឹងចិត្តគ្នា។

មនុស្សស្រីទី ២ - សេចក្ដីស្ងប់សុខផ្លូវចិត្ត

បើសិនជាអ្នកជ្រើសរើសនារីទី ២ អ្នកតែងតែជឿជាក់ថា ភាពវៃឆ្លាតរបស់មនុស្សគឺកើតចេញពីចិត្តគំនិតខាងក្នុងរបស់មនុស្សនេះឯង ហើយក៏មិនចាំបាច់ត្រូវអោយគេឯងយល់ពីអ្នកគ្រប់គ្នានោះទេ។ ហេតុនេះហើយអ្វីដែលអ្នកគិចថាអាចជួយអោយជីវិតអ្នកមានន័យពេញលេញជាងមុននោះគឺ ការបណ្ដុះចិត្តគំនិតរបស់អ្នកនេះហើយ។ អ្នកអាចនឹងជាមនុស្សដែលមិនសូវចេះមាត់ក ចូលចិត្តសម្ងំនៅផ្ទះ ជៀសជាងទៅកន្លែងដែលមានមនុស្សអូរអ៊រ មិនចូលចិត្តឈ្លោះទាស់ទែងជាមួយនរណានោះទេ។

មនុស្សស្រីទី ៣ - រូបរាងខាងក្រៅ

ចំពោះអ្នកដែលពេញចិត្តនារីទី ៣ អ្នកជាមនុស្សដែលខ្វល់ខ្វាយពីរូបរាងខាងក្រៅរបស់អ្នកបំផុតហើយ មិនមែនចាំបាច់ថាអ្នកត្រូវតែស្អាតបាតគ្រប់ពេលនោះទេ តែអ្នកតែងតែចង់គ្រប់គ្រងអ្វីដែលអ្នកដទៃគិតអំពីអ្នក។ ហេតុនេះហើយនៅពេលដែលមិនបានដូចចិត្តទេនោះ អ្នកក៏ចាប់ផ្ដើមមានអារម្មណ៏តប់ប្រមល់ជាខ្លាំង គួរតែចំនាយពេលជាមួយមិត្តភក្តិដែលអ្នកអាចទុកចិត្តបាន និង អាចចែករំលែករឿងរំលែករឿងរ៉ាវក្នុងចិត្តបាន។

មនុស្សស្រីទី ៤ - ចិត្តគំនិត

បើសិនជាអ្នកពេញចិត្តនារីទី ៤ នេះ អ្នកជាមនុស្សដែលមានគោលជំហរក្នុងជីវិតច្បាស់លាស់ណាស់ ហើយមិនមានអ្វីអាចនឹងផ្លាស់ប្ដូរចិត្តអ្នកបាននោះទេ។ សម្រាប់អ្នក ជីវិតអ្នកមានន័យបំផុតនៅពេលដែលអាចរស់នៅតាមចិត្តគំនិតរបស់អ្នក ដែលធ្វើអោយពេលខ្លះអ្នកអាចនឹងមានអារម្មណ៏ថាមិនពេញចិត្តចំពោះមនុស្សដែលមិនគិតដូចអ្នក។ ព្រោះតែបែបនេះអ្នកចូលចិត្តចំនាយពេលជាមួយមនុស្សដែលមានចិត្តគំនិតស្រដៀងនឹងអ្នក។