ជ្រើសរើសបានត្រឹមត្រូវហើយ! មនុស្សស្រីដែលស្រលាញ់អាជីពការងារខ្លួនគឺបែបនេះ

  • 2021-03-19 01:50:00
  • ចំនួនមតិ 0 | ចំនួនចែករំលែក 0

នៅពេលអ្នកមានអារម្មណ៏ពេញចិត្តចំពោះ​អាជីពការងារខ្លួន អ្នកនឹងមានអារម្មណ៏ថាជីវិតអ្នកមានន័យជាងមុន មិនមែនធ្វើការដើម្បីតែប្រាក់ខែនោះទេ។ សញ្ញាទាំងនេះអាចបង្ហាញបានថាការងារអ្នកជ្រើសរើសនេះគឺសក្តិសមនឹងអ្នកបំផុតហើយ៖

១. មិនមានការលំបាកក្នុងការផ្តោតអារម្មណ៏ទៅលើការងារនៅលើដៃអ្នក។

២. តែងតែរៀបរាប់ពីរឿងរ៉ាវល្អៗ ជៀសជាងពីការនិយាយរអ៊ូរទាំដើមអ្នកដទៃឥតបានការ។

៣. ពេញចិត្តនឹងចំណាយពេលនៅកន្លែងធ្វើការ។

៤. តែងតែផ្តោតអារម្មណ៏ទៅលើភាពជោគជ័យ ជៀសជាងធ្វើអ្វីអោយតែចប់ៗមួយពេល។

៥. តែងតែមានអារម្មណ៏ថារំភើបនឹងទៅធ្វើការជារៀងរាល់ថ្ងៃ។

៦. មិនដែលចាប់អារម្មណ៏ផ្ទៀងមើលម៉ោង។

៧. គិតថាភាពជោគជ័យកើតចេញពីអ្វីដែលអ្នកសម្រេចបាន ហើយពេញចិត្តក្នុងការសម្រេចវា។

៨. ស័្មគ្រចិត្តជួយមិត្តរួមការងារទាំងមិនគិតច្រើន។

៩. មានមិត្តភក្តិច្រើននៅកន្លែងការងារ។

១០. ចុងសប្ដាហ៏គឺជាពេលដែលអ្នកត្រៀមខ្លួនសម្រាប់ការងារនៅអាទិត្យបន្ទាប់។

១១. មិនចង់សុំច្បាប់នោះទេ លុះត្រាតែឈឺងើបទៅធ្វើការមិនរួច។

១២. តែងតែព្យាយាមស្វែងរកដំណោះស្រាយ ចៀសជាងអង្គុយស្មុគស្មាញនឹងបញ្ហាមួយមុខ។

១៣. ពេញចិត្តនឹងធ្វើការច្រើន ជួនកាលលើសពីតួនាទីអ្នកត្រូវបំពេញ។

១៤. មិនសូវជាចាប់អារម្មណ៏ពីរឿងតូចតាច អត់ប្រយោជន៏នៅកន្លែងការងារ។

១៥. តែងសម្លឹងលើផលប្រយោជន៏រួមជាធំ។

ប្រភព៖ lifehack ប្រែ​សម្រួល៖ Iv Madalen

អត្ថបទពេញនិយម