ស្វាមីល្អ នឹងមិនទុកប្រពន្ធចោលនូវកាលៈទេសៈទាំង៣យ៉ាងនេះដាច់ខាត
- 2021-02-25 03:55:00
- ចំនួនមតិ 0 | ចំនួនចែករំលែក 0
ស្វាមីល្អ នឹងមិនទុកប្រពន្ធចោលនូវកាលៈទេសៈទាំង៣យ៉ាងនេះដាច់ខាត
ទោះបីមនុស្សស្រីនោះរឹងមាំកម្រិតណា ក៏ខាងក្នុងរបស់នាងនៅតែមានភាពទន់ខ្សោយ ចៀសមិនបាន។ ពេលខ្លះ នាងក៏ត្រូវការបុរសម្នាក់ឲ្យយល់ចិត្តរបស់នាងដែរ ពិសេសគឺវត្តមានស្វាមីតែម្តង។
១. នៅពេលជួបការលំបាក ឬ អស់សង្ឃឹម
ជីវិតគឺមិនងាយស្រួលឡើយ នរណាក៏មានការលំបាកដែរ។ នៅពេលប្រឈមនឹងបញ្ហា មនុស្សស្រីឆាប់អស់សង្ឃឹមណាស់។ នៅដំណាក់កាលនេះ មនុស្សដំបូងដែលនាងនឹកដល់មុនគេ គឺស្វាមីរបស់នាង។
ដូច្នេះ មនុស្សប្រុសសូមកុំទុកនាងចោល នាងពិតជាត្រូវការអ្នកខ្លាំងណាស់។ អ្នកមិនគួរស្តីបន្ទោសនាងឡើយ តែគួរនិយាយអ្វីកំប្លែងៗ ប្រាប់នាងញ៉ាំឲ្យបានច្រើន ធ្វើឲ្យនាងសើចឲ្យបានច្រើន។ ជួយនាងចាកចេញពីរឿងអាក្រក់ៗឲ្យបានលឿនតាមដែលអាចធ្វើបាន។ វិធីនេះ នាងនឹងជឿជាក់លើអ្នក ព្រមទាំងមានសង្ឃឹមលើអ្នកផងដែរ។
២. នៅពេលឈឺ
នៅពេលឈឺ នរណាក៏មានអារម្មណ៍ទន់ខ្សោយផ្នែកអារម្មណ៍ដែរ ពិសេសគឺមនុស្សស្រីតែម្តង។ ហេតុនេះ ពេលនាងមិនស្រួលខ្លួន នាងតែងតែចង់ឲ្យមនុស្សម្នាក់មើលថែទាំនាងគ្រប់ពេល។ មានពេលខ្លះ មនុស្សស្រីងាយនឹងកើតគំនិតទុទិដ្ឋិនិយមណាស់ ។ ដូច្នេះ បុរសត្រូវតែចំណាយពេលខ្លះដើម្បីថែទាំនាង។
អំឡុងពេលនេះ មនុស្សប្រុសត្រូវស្រលាញ់និងមើលថែទាំនាង ឲ្យនាងឃើញពីទឹកចិត្តពិតរបស់អ្នក ធ្វើឲ្យនាងមានអារម្មណ៍ថា នាងមិនបានរើសមនុស្សប្រុសខុសឡើយ។
៣. អំឡុងពេលមានផ្ទៃពោះ
ពេលមានផ្ទៃពោះ មនុស្សស្រិរំភើបខ្លាំងណាស់ តែនាងក៏បារម្ភណាស់ដែរ ព្រោះលើកដំបូងដែលក្លាយជាម្តាយគេ គឺមិនងាយស្រួលឡើយ។ ហេតុនេះ នាងចាំបាច់ត្រូវមើលថែទាំខ្លួនឯងផង មើលថែទាំកូនក្នុងផ្ទៃផង។ ដូច្នេះ នាងត្រូវការស្វាមីជាចាំបាច់ ឲ្យនៅជួយគាំទ្រនិងមើលថែទាំនាងដូចគ្នា។ ស្វាមី គួរជម្រុញទឹកចិត្តប្រពន្ធរាល់ថ្ងៃ ដើម្បីឲ្យនាងកាន់តែជឿជាក់ សប្បាយចិត្តជានិច្ចពេលនៅជាមួយអ្នក៕