បកស្រាយទំនាយយល់សប្តិឃើញ Ex ដែលជាប្រផ្នូលពាក់ព័ន្ធអ្នក និងគាត់

2021-02-24 07:35:00
ចំនួនមតិ 0 | ចំនួនចែករំលែក 0

នៅសុខៗ ស្រាប់តែអ្នកយល់សប្តិឃើញ Ex រហូតធ្វើឲ្យឆ្ងល់ថា តើមានន័យថា គាត់នឹងវិលត្រលប់មកវិញឬយ៉ាងណា? ឬតើមានអ្វីកើតឡើងលើគាត់ ឬយ៉ាងណា? តើនេះជាប្រផ្នូលអ្វីឲ្យប្រាកដ ដែលមនុស្សគ្រប់គ្នាពិតជាចង់ដឹងណាស់។ ខាងក្រោមនេះ គឺជាការបកស្រាយចំពោះការយល់សប្តិឃើញ Ex របស់អ្នក។

-យល់សប្តិឃើញ Ex កំពុងតែងខ្លួន

មានន័យថា គាត់នឹងឆ្លងផុតសំណាងអាក្រក់ ជាសះស្បើយពីជំងឺ ហើយសំណាងល្អនឹងរត់ចូលមក ព្រមទាំងមានលុយកាក់ថែមទៀត។

-យល់សប្តិឃើញនិយាយជាមួយ Ex

មានន័យថា អ្នកនឹងត្រូវវិនិច្ឆ័យលើរឿងអ្វីមួយឲ្យល្អិតល្អន់ពាក់ព័ន្ធនឹងជោគវាសនារបស់អ្នក ឬលំហូរហិរញ្ញវត្ថុណាមួយ។

- យល់សប្តិឃើញ Ex មកលេងផ្ទះ

មានន័យថា អ្នកនឹងទទួលសំណាងមិនល្អ ឬការងារមានផលប៉ះពាល់ខ្លាំង។

- យល់សប្តិឃើញ Ex ស្លាប់

មានន័យថា គាត់នឹងទទួលបានដំណឹងពីញាតិសន្តានខាងសាច់ឆ្ងាយ។

- យល់សប្តិឃើញ Ex មានសង្សារថ្មី

មានន័យថា ពួកគេនឹងទទួលបានដំណឹងពីញាតិសន្តានខាងសាច់ឆ្ងាយ ។ ឬ គាត់នឹងត្រូវបានគេតម្រូវឲ្យធ្វើដំណើរទៅណាឆ្ងាយ។

- យល់សប្តិឃើញ Ex ឱបអ្នក

មានន័យថា អ្នកនឹងក្លាយជាមនុស្សមានឥទ្ធិពល កិត្យានុភាពជាងមុន ហើយនឹងមាននរណាម្នាក់ចូលមកចង់ពឹងពាក់អ្នក។

- យល់សប្តិឃើញ Ex ចូលមកគេងជាមួយ

មានន័យថា ជីវិតរបស់អ្នកនឹងល្អប្រសើរឡើង មិនថាជំងឺក៏ជាសះស្បើយ លុយកាក់ក៏មានជាងមុន ទៀតផង។

- យល់សប្តិឃើញ Ex យកលុយមកឲ្យ

មានន័យថា នឹងមានមនុស្សម្នាក់ចូលមកផ្តល់តម្លៃដល់អ្នក ឬជោគលាភមកឲ្យអ្នក។

- យល់សប្តិឃើញ Ex យករបស់អ្វីមួយមកឲ្យអ្នក

មានន័យថា អ្នកអាចប្រឈមនឹងគ្រោះថ្នាក់ចរាចរណ៍ពីការធ្វើដំណើរកម្សាន្ត ឬជំងឺបៀតបៀនណាមួយ។

- យល់សប្តិឃើញ Ex របួសហូរឈាម

មានន័យថា អ្នកនឹងទទួលបានសំណាងចៃដន្យមួយ ឬលាភពីផ្លូវឆ្ងាយ។

- យល់សប្តិឃើញ Ex ក្លាយជាខ្មោច

មានន័យថា គាត់នឹងរងទុក្ខលំបាកណាមួយ ឬបញ្ហាជម្លោះអ្វីមួយ។

- យល់សប្តិឃើញ Ex ទូរសព្ទមក ឬស្វែងរកអ្នក

មានន័យថា អ្វីដែលអ្នកគិត ឬធ្វើ នឹងបានសម្រេចដូចបំណង។

- យល់សប្តិឃើញ Ex ជួបគ្រោះថ្នាក់ចរាចរណ៍

មានន័យថា នឹងមានដំណឹងអាក្រក់កើតឡើង ឬក្រុមគ្រួសារនឹងជួបបញ្ហាលំបាកណាមួយ។

- យល់សប្តិឃើញអ្នកបានជួប Ex នៅតាមផ្លូវ

មានន័យថា នឹងជួបលាភសំណាងផ្នែកហិរញ្ញវត្ថុ ។ ឬបើអ្នកមានគ្រួសារហើយ មានន័យថា នឹងមានកូនឆាប់ៗ។

- យល់សប្តិឃើញអតីតសង្សារដែលស្លាប់បាត់ទៅហើយ

មានន័យថា អ្នកអាចនឹងផ្លាស់ប្តូរទីលំនៅ ឬផ្លាស់ប្តូរអ្វីមួយ។ ឬអ្នកនឹងត្រូវបានសត្រូវយាយី។

ភាគច្រើននៅពេលអ្នកយល់សប្តិឃើញ Ex ដែលមានលក្ខណៈទូទៅ អាចមានន័យថា សំណាងអាក្រក់របស់គាត់ នឹងដល់ពេលបញ្ចប់ហើយ ឬគាត់នឹងទទួលបានអ្វីមួយចូលមកបំពេញភាពខ្វះខាតរបស់គាត់។

ប្រភព៖ gangbeauty ប្រែសម្រួល៖ លឹម សុនា