មូលហេតុស្លាប់របស់តារាប្រុស Kimi Qiao សន្និដ្ឋានជំហានដំបូងថាមានគេធ្វើបាបដល់ស្លាប់
- 2021-01-27 03:05:00
- ចំនួនមតិ 0 | ចំនួនចែករំលែក 0
មូលហេតុស្លាប់របស់តារាប្រុស Kimi Qiao សន្និដ្ឋានជំហានដំបូងថាមានគេធ្វើបាបដល់ស្លាប់
តម្រុយថ្មីៗទាក់ទងនឹងការស្លាប់របស់តារាសម្ដែងល្បីឈ្មោះចិន Kimi Qiao បានធ្វើឲ្យអ្នកគាំទ្រអត់នឹងមិនព្រឺសម្បុរមិនបាន។
មុននេះបន្តិច បណ្ដាញព័ត៌មាន iFeng បានធ្វើឲ្យអ្នកគាំទ្ររបស់អតីតតារាសម្ដែងប្រុសចិន Kimi Qiao ស្លុតចិត្តជាខ្លាំង នៅពេលប្រភពមួយនេះរាយការណ៍អំពីតម្រុយថ្មីៗ ទាក់ទងនឹងមូលហេតុនៃការស្លាប់របស់ប្រុសស្អាតរូបនេះ។ តាមនោះដែរ ការស្លាប់របស់តួរឿង Stay With Me មានទាក់ទងនឹងអ្នកប្រុស ដែលជាកូនអ្នកមានលេខ១ចិនម្នាក់។
ជាក់ស្ដែង នៅពេលតារាកើតឆ្នាំ ១៩៨៧ ទទួលមរណភាព មានព័ត៌មានលេចឮថា លោកត្រូវបានគេបំពានផ្លូវភេទ (BDSM) រហូតដល់ស្លាប់។ ព័ត៌មានចុះផ្សាយតាំងពីឆ្នាំ ២០១៩ បានឲ្យដឹងថា កាលនៅរស់ សិល្បកររូបនេះស្រលាញ់គ្នាជាមួយម៉ូដែលស្រីឈ្មោះ Li Ren ដែលជាមិត្តរួមផលិតកម្ម។ យ៉ាងណាក្ដី មុននោះ ស្រីស្អាតនេះក៏ធ្លាប់ត្រូវបានអ្នកប្រុសសម្បូរទ្រព្យម្នាក់ចាប់អារម្មណ៍ដែរ។
ដោយសារសង្រ្គាមស្នេហ៍ កូនប្រុសអ្នកមានបានហៅបុរស២នាក់ឲ្យមកធ្វើបាបដោយបំពានផ្លូវភេទតារាប្រុសរូបនេះ ព្រមទាំងមានថតវីដេអូដើម្បីគំរាមលោកផងដែរ។ យ៉ាងណាក្ដី សារនៅក្នុងក្រុមមួយបានទម្លាយថា ដំបូងពួកគេគ្រាន់តែចង់លេងធម្មតាទេ តែមិនដឹងជាជ្រុលយ៉ាងម៉េចទើបធ្វើឲ្យលោកស្លាប់តែម្ដង។
ព័ត៌មានបន្ថែមបានឲ្យដឹងថា ដើម្បីកុំឲ្យឪពុកម្ដាយរបស់តារាសម្ដែងនេះរករឿង អ្នកប្រុសលេខ១ចិនបាន ប្រើលុយជាច្រើនដើម្បីបំបិទមាត់។ តែមូលហេតុយ៉ាងណា ពេលនេះប៉ូលិសកំពុងស្រាវជ្រាវបន្ត៕