កែវវេទមន្តដែលអ្នករើស នឹងបង្ហាញពីរឿងរ៉ាវដែលនៅសេសសល់ក្នុងខែមករាឆ្នាំនេះ
- 2021-01-11 09:35:00
- ចំនួនមតិ 0 | ចំនួនចែករំលែក 0
កែវវេទមន្តដែលអ្នករើស នឹងបង្ហាញពីរឿងរ៉ាវដែលនៅសេសសល់ក្នុងខែមករាឆ្នាំនេះ
តើកែវវេទមន្តមួយណា ដែលអ្នកពេញចិត្តជាងគេ សាករើសមួយ។
រូបទី១
អ្នកតែងគិតគូពីមនុស្សគ្រប់គ្នា ច្រើនជាងខ្លួនឯង។ អ្វីដែលអ្នកគួរផ្លាស់ប្តូរនៅពេលនេះ គឺកុំព្រួយជ្រុលពេក ចំពោះរឿងដែលមិនពាក់ព័ន្ធនឹងខ្លួនឯងផ្ទាល់។ ម្ល៉ោះហើយ ធ្វើអ្វីដែលអ្នកចង់ អ្វីដែលអ្នកចូលចិត្តដើម្បីពង្រឹងផ្លូវចិត្ត ព្រមទាំងបង្កើតជំនឿជាក់ និងទំនុកចិត្តសម្រាប់ខ្លួនឯង។
ជីវិតរបស់អ្នកមិនមែនចេះតែងងឹតរហូតនោះទេ ប៉ុន្តែបន្តិចម្តងៗ គ្រប់យ៉ាងនៅជុំវិញអ្នកនឹងចាប់ផ្តើមប្រែប្រួលទៅរកភាពល្អប្រសើរ។ យ៉ាងណាអ្នកអាចនឹងរងការយាយី ឬការពេបជ្រាយពីមនុស្សអាត្មានិយមមួយចំនួនពីការផ្លាស់ប្តូរថ្មីនេះ។ ដូច្នេះហើយ ត្រូវរៀបចំខ្លួនឲ្យរឹងមាំ ដើម្បីប្រយុទ្ធតតាំងនឹងក្រុមមនុស្សដែលចាំតែបំផ្លាញអារម្មណ៍ និងគោលដៅរបស់អ្នក។
ប្រសិនបើអ្នកតស៊ូ និងគិតគូឲ្យបានល្អិតល្អន់ពីបច្ចុប្បន្ន និងអនាគតដោយចាកចេញពីគំនិតអវិជ្ជមានកាលពីមុន នោះរឿងរ៉ាវល្អៗនឹងចូលមករកអ្នក ហើយអ្នកនឹងក្លាយជាមនុស្សថ្មីដែលអ្នកចង់បានផងដែរ។
រូបទី២
ដរាបណាអ្នកព្រមបញ្ចេញទេពកោសល្យថ្មីរបស់អ្នក នោះគ្រប់ឱកាសថ្មីៗនឹងបើកទ្វារឡើងនៅពីមុខអ្នកតែម្តង ហើយពេលនោះនឹងធ្វើឲ្យអ្នកក្លាយជាមនុស្សម្នាក់ផ្សេងទៀត។ កុំខ្លាចក្នុងការបើកទ្វារហើយដើរចេញពីទីកន្លែងចាស់ ព្រោះសុភមង្គលពិតប្រាកដដែលអ្នកសុបិនជាយូរមកហើយ កំពុងរង់ចាំអ្នក។
សូមចងចាំថា មានតែអ្នកខ្លួនឯងទេដែលអាចនាំយកសុភមង្គលពិតប្រាកដដល់ខ្លួនឯង ហើយបន្ទាប់មកទើបព្រេងសំណាងនឹងបើកឱកាសឲ្យអ្នកទទួលបានសមិទ្ធិផល។
តែមិនត្រូវមានអំនួតចំពោះខ្លួនឯងពេកទេ ថាខាងមុខគ្មានឧបសគ្គអ្វីសោះនោះ ព្រោះផ្លូវឆ្ពោះទៅរកសុភមង្គល រមែងមានបន្លា និងជ្រោះជ្រលង។
រូបទី៣
តាមពិតទៅ អ្នកជាមនុស្សមានសំណាងណាស់ គ្រាន់តែអ្នកមិនដឹងប៉ុណ្ណោះ។ នាពេលអនាគតដ៏ខ្លី ការភ្ញាក់ផ្អើលដ៏រំភើបចិត្តមួយ នឹងចូលមករកអ្នក ទាំងជីវិតផ្ទាល់ខ្លួន ការងារ ទំនាក់ទំនង ស្នេហានិងការងារ តែម្តង។ ទន្ទឹមនឹងនេះ អ្នកនឹងទទួលបានការឡើងដំណែង ឬឡើងប្រាក់ខែ ឬក៏ប័ណ្ណសរសើរណាមួយជាមហាកិត្តិយសផងដែរ។
យ៉ាងណាក៏ដោយ ត្រូវចាំថានេះគឺជាតេស្តមួយដើម្បីសាកល្បងពីអនាគតរបស់អ្នក តែថាអ្នកអាចឆ្លងកាត់វាបានឬអត់ អាស្រ័យលើអ្នកជម្នះវាខ្លាំងកម្រិតណា ។
ទន្ទឹមនឹងការមានលាភសំណាងទាំងនេះ អ្នកក៏អាចប្រឈមការបាត់បង់វាបានដូចគ្នា។ ដូច្នេះ ត្រូវដាក់អាទិភាពនិងតម្លៃលើរឿងទាំងនេះជាមុនសិន។ គួរធ្វើរឿងទាំងនេះឲ្យបានល្អ ម៉ត់ចត់ នោះអ្នកនឹងក្លាយជាអ្នកមានទ្រព្យម្នាក់ ជាមិនខាន។
រូបទី៤
នេះជាមហាកិត្តិយសបំផុត ដែលមានមនុស្សឆ្លាត ព្រមទាំងមានទំនុកចិត្តដូចជាអ្នក មកចូលលេងល្បែងចិត្តសាស្រ្ត ដោយការជ្រើសយកកែវវេទមន្តទី៤នេះ។ អ្នកកម្រត្រូវការជំនួយពីមតិយោបល់របស់អ្នកដទៃណាស់ ។ អ្នកថែមទាំងអាចគ្រប់គ្រងរឿងរ៉ាវផ្សេងៗបានសម្រាប់នាពេលអនាគត ដោយសារតែអ្នកបានដាក់ផែនការសម្រាប់គោលដៅជីវិតយ៉ាងប្រុងប្រយ័ត្ន។ មានមនុស្សមិនតិចទេ ដែលរង់ចាំស្តាប់ការនិយាយរបស់អ្នក តែគួរឲ្យស្តាយ អ្នកជាមនុស្សមិនសូវមានពេលវេលាគ្រប់គ្រាន់។ សម្រាប់អ្នក គឺជាមនុស្សដែលមានការយកចិត្តទុកដាក់ខ្ពស់លើមនុស្សដែលខ្លួនស្រលាញ់ផងដែរ។
សូមកុំបារម្ភអី គ្រប់យ៉ាងនៅក្នុងជីវិតរបស់អ្នក នឹងរៀបរយតាមផែនការដែលអ្នកគ្រោងទុក។