នៅពេលគ្រោះហានិភ័យបុកមក ឲ្យតែអ្នកធ្វើបានរឿងនេះគឺអាចដោះស្រាយស្ទើរបានទាំងអស់

2020-12-22 06:30:00
ចំនួនមតិ 0 | ចំនួនចែករំលែក 0

មិនថាការងារធំ ការងារតូច ឲ្យតែរក្សាអារម្មណ៍ឲ្យបានហ្នឹងនរ មិនជ្រួលច្របល់ គ្រប់ភារកិច្ចទាំងអស់គឺសុទ្ធតែអាចដោះស្រាយបានទាំងអស់។ នៅក្នុងកាលៈទេសៈវឹកវរយ៉ាងណា ឲ្យតែអ្នករក្សាបានចិត្តឲ្យត្រជាក់ រឿងទាំងឡាយនឹងប្រែកទៅជាងាយស្រួល។

នៅលើលោកនេះ ជោគជ័យ ឬបរាជ័យគឺអាស្រ័យទៅលើការដោះស្រាយរបស់មនុស្សគ្រប់រូបទាំងអស់។ បញ្ហាតែមួយ តែវិធីដោះស្រាយខុសគ្នា អាចនាំមកនូវលទ្ធផលខុសគ្នា។ តែអ្វីដែលសំខាន់នោះ គឺអារម្មណ៍នៅពេលដែលដោះស្រាយបញ្ហា។ អ្នកដែលមានចិត្តឆេវឆាវ ក្ដៅក្រហាយ ឆាប់ខឹង នឹងធ្វើឲ្យរឿងខូចអស់។ ផ្ទុយមកវិញ អ្នកដែលមានចិត្តរឹងមាំ មិនជ្រួលច្រាល មិនស្លន់ស្លោរ រមែងតែងងាយដោះស្រាយបញ្ហាជាង។

អ្នកត្រូវដឹងថា បញ្ហាដែលអ្នកកំពុងប្រឈមនោះគឺជាអ្វី ហើយថាតើអ្នកអាចដោះស្រាយខ្លួនឯងបាន ឬអត់ ឬទាល់តែត្រូវការជំនួយពីអ្នកដទៃ។ អ្នកប្រាជ្ញបារាំង Falkland ធ្លាប់និយាយថា៖ នៅពេលដែលអ្នកចង់ដោះស្រាយបញ្ហាឲ្យបានលល្អនោះគឺ កុំទាន់ធ្វើអ្វីទាំងអស់ ដោយចាំរកដំណោះស្រាយដែលស័ក្ដិសមសិនចាំអនុវត្ត ព្រោះអ្វីៗអាចជាអង្គប់ទាំងអស់។ ដូចពាក្យដែលគេនិយាយថា ទូកលិចគឺមិនមែនដោយសារទឹកនៅខាងក្រៅទេ គឺមកពីទឹកនៅខាងក្នុង ដូចនេះកុំទុកឲ្យមជ្ឈដ្ឋានខាងក្រៅប៉ះពាល់ដល់សតិរបស់អ្នកពេលដោះស្រាយបញ្ហាឲ្យសោះ៕