៥ តិចនិកលាបសក់នៅផ្ទះឲ្យបានស្អាតដូចនៅសាឡនថ្លៃៗ សន្សំលុយបានច្រើន

2020-12-11 03:00:00
ចំនួនមតិ 0 | ចំនួនចែករំលែក 0

រដូវកាលចុងឆ្នាំចូលមកដល់ មិនថាអ្នកណាក៏មានបំណងចង់តែងខ្លួនដើម្បីដើរលេង ក៏ដូចជាទទួលឆ្នាំថ្មី។ ជាមួយតិចនិកលាបសក់ងាយៗនៅផ្ទះខាងក្រោម អ្នកអាចសន្សំលុយបានយ៉ាងច្រើនពីការទៅលាបនៅសាឡនធំៗ។

១. មិនកក់សក់មុនពេលលាប

អ្នកត្រូវដឹងថា មុនពេលលាបសក់មួយថ្ងៃ អ្នកមិនគួរលាបសក់ឡើយដើម្បីឲ្យប្រេងធម្មជាតិនៃសក់ជួយការពារសក់យើង មិនឲ្យសក់ខូចខ្លាំងនៅពេលលាបសក់ពណ៌ភ្លឺៗ។ មិនត្រឹមតែប៉ុណ្ណោះ ការមិនកក់សក់មុន នឹងជួយឲ្យថ្នាំជ្រាបបានល្អជាង ងាយចេញដូចពណ៌ដែលនៅលើប្រអប់ថ្នាំ។

២. សិតសក់ឲ្យស្អាតមុនពេលលាប

ដើម្បីជៀសវាងករណីថ្នាំចេញមិនស្មើពណ៌ ជំពាក់ និងដាច់សក់ពេលលាប អ្នកត្រូវសិតសក់ឲ្យរាប និងស្អាត ស្មើល្អមុនពេលលាបដើម្បីទទួលបានលទ្ធផលខ្ពស់បំផុត។

៣. ថែសក់ឲ្យដល់មុនពេលលាប ១សប្ដាហ៍

ទោះជាថ្នាំប្រភេទល្អយ៉ាងណាក៏ដោយ ក៏ថ្នាំលាបសក់នៅតែមានផ្ទុកជាតិគីមីដែលធ្វើឲ្យខូចសរសៃសក់។ ដូចនេះហើយ ដើម្បីកាត់បន្ថយបញ្ហានេះឲ្យបានទាបបំផុត អ្នកត្រូវអប់ និងប្រើប្រេងថែរក្សាសក់ឲ្យបានជាប់ល្អ មុនពេលលាប១សប្ដាហ៍ ដើម្បីកុំឲ្យបញ្ហាខូចសក់កើតមានឡើង។

៤. សីតុណ្ហភាពនៅពេលលាប

សីតុណ្ហភាពក៏ពាក់ព័ន្ធនឹងលទ្ធផលចេញពណ៌របស់អ្នកដូចគ្នា ដោយនៅពេលដែលសីតុណ្ហភាពចុះទាបខ្លាំងពេក ពោលគឺទាបជាង ២៥អង្សារ គឺថ្នាំនឹងមិនជ្រាបចូលសក់បានល្អនោះឡើយ ដោយសីតុណ្ហភាពដែលល្អបំផុតដើម្បីពណ៌ស្អាតនោះគឺ ២៥ ទៅដល់ ២៧អង្សារ។

៥. លាបគល់សក់ក្រោយគេ

ប្រសិនបើអ្នកលាបសក់ពីគល់មុន នោះនៅពេលលាបហើយ កន្លែងត្រង់ស្បែកក្បាលនឹងមានពណ៌ភ្លឺជាងកន្លែងដទៃ ដែលមើលទៅមិនស្អាត។ ដូចនេះហើយដើម្បីទទួលបានពណ៌ស្អាត អ្នកគួរលាបពីស្បែកក្បាល ៣សង់ទីម៉ែត្រ ហើយនៅពេលលាបហើយអស់ ទើបត្រលប់មកលាបនៅគល់សក់វិញ៕

ប្រភព៖ Phunutoday ប្រែសម្រួល៖ Caramel