ល្បីឈ្មោះថាជាតារាជើងវែង តែពេលឈរជាមួយតួរឿង Start-Up, Suzy ស្រាប់តែតូចល្អិត

2020-12-10 03:40:00
ចំនួនមតិ 0 | ចំនួនចែករំលែក 0

ត្រូវបានចាត់ទុកថា ជាតារាចម្រៀង និងសម្ដែងដែលមានកម្ពស់លេចធ្លោ នៅពេលឈរជាមួយមិត្តរួមការងារ តែនៅក្នុងរឿងភាគថ្មី តារាសម្ដែង និងចម្រៀងជួរមុខកូរ៉េ Suzy បែរជាតូចជាងគេទៅវិញដោយសារមិត្តរួមសម្ដែងមានកម្ពស់ខ្ពស់ខ្លាំងពេក។

ខ្សែភាពយន្តភាគកូរ៉េ Start-Up កំពុងអង្រួនបេះដូងទស្សនិកជនជាច្រើននាក់មិនថាក្នុង ឬក្រៅប្រទេសដោយសារតែសាច់រឿងថ្មីប្លែក ក៏ដូចតួសម្ដែងស្អាត និងសម្ដែងសមឥតខ្ចោះ។ នៅក្នុងចំណោមតួទាំងអស់នៃរឿងនេះ តារាសម្ដែង និងចម្រៀងស្រី Suzy គឺជាសិល្បករដែលមានឈ្មោះល្បីជាងគេ។ ក្រៅពីអាជីពជាតារាសម្ដែង ស្រីស្អាត២៦ឆ្នាំ ក៏ជាតារាចម្រៀងដែលល្បីឈ្មោះមានជើងវែងផងដែរ។

យ៉ាងណាក្ដី ថ្មីៗនេះ នៅពេលដែលក្រុមការងារខាងលើបញ្ចេញរូបភាពថ្មី ម្ចាស់បទ Breath បែរជាមានតូចល្អិត គួរឲ្យស្រលាញ់ទៅវិញ។ បកស្រាយចំពោះចម្ងល់នេះ ទស្សនិកជនបានរកឃើញថា ទោះបីជា Suzy មានកម្ពស់ ១.៦៨មមែនពិត តែដោយសារមិត្តសម្ដែងរបស់នាង សុទ្ធតែជាអតីតតារាម៉ូដែលទាំងអស់ ដែលធ្វើឲ្យនាងមើលតូចច្រឡឹង។

ជាក់ស្ដែង តួឯកប្រុស Nam Joo Hyuk មានកម្ពស់ដល់ទៅ ១.៨៨ម។ ប្រុសស្អាត Kim Do Wan កម្ពស់ ១.៨៦ម រីឯ តារាសម្ដែងស្រី Stephanie Lee មានកម្ពស់ដល់ទៅ ១.៧៨ម ដែលធ្វើឲ្យតួស្រីកើតឆ្នាំ១៩៩៤ មើលទៅតូច គឺគ្មានអ្វីចម្លែកនោះឡើយ៕