ប្រាកដណាស់ នរណាៗក៏ចង់ដឹងដែរថា នាពេលអនាគតអាចនឹងមានរឿងអ្វីខ្លះអាចកើតឡើងចំពោះគេនោះ។ បើអ៊ីចឹងមែនសាករើសរូបមួយដែលទាក់ចិត្តអ្នកជាងគេ ប្រាកដជាអាចដឺងតាមការបកស្រាយខាងក្រោយនេះជាមិនខាន៖

១. រូបបូ

បើសិនជាអ្នករើសយករូបនេះ នាពេលដ៏ខ្លីខាងមុនអ្នកអាចនឹងមានការខ្វែងគំនិតគ្នាជាមួយមនុស្សជិតស្និទ្ធ ឬ​ អាចជាបងប្អូនសាច់ញាតិ។ វាអាចមិនមែនជារឿងធំដុំ តែបើកើតមានរឿងល្អក់កករជាមួយគ្នាហើយ នោះមនុស្សដែលធ្លាប់តែល្អូនល្អឺននឹងគ្នា ប្រាកដជាលែងដូចមុនជាមិនខាន។

២. ជញ្ជីង

អ្នកនឹងមានលាភសំណាងរឿងប្រាក់កាក់នាពេលឆាប់ៗខាងមុននេះ។ វាអាចជាផ្លែផ្កានៃរឿងរ៉ាវដែលអ្នកខំប្រឹងជាយូរមកហើយ តែទោះជាមានភាគរយជោគជ័យច្រើនក្ដី ក៏គួរតែកុំបន្ធូរដៃអោយសោះ ថ្វីត្បិតតែសំណាងស្ថិតនៅខាងអ្នកក៏ពិតមែន។

៣. ក្មេងស្រី

បើសិនអ្នកសង្កេតឃើញរូបក្មេងស្រី អ្នកអាចនឹងស្វែងរកអ្នកត្រូវចិត្តបានហើយ។ តែបើចំពោះអ្នកដែលមានគូររួចហើយ​អ្នកនិងគេ កាន់តែល្អូនល្អឺនយល់ចិត្តគ្នាកាន់តែច្បាស់មួយកំរិតទៀត។

៤. ដើមឈើ

រូបមួយនេះអាចជាដំណាងអោយ ប្រាជ្ញា និង ភាពវៃឆ្លាតរបស់អ្នក។ អ្នកអាចនឹងមិនទាន់មានឱកាស ដើម្បីបង្ហាញស្នាដៃអ្នកយ៉ាងពេញលេញនៅឡើយទេ ពេលដ៏ខ្លីខាងមុខនេះគឺដល់វេនអ្នកហើយសម្រាប់បង្ហាញពីសមត្ថភាពពិតៗរបស់អ្នកនោះ។

៥. រទះ

អ្នកអាចនឹងត្រូវឆ្លងកាត់ដំណើរផ្សងព្រេងមួយទៅកន្លែងឆ្ងាយ ឬ​ អាចជាការសម្រេចចិត្តមួយទាក់ទងនឹងរឿងស្នេហាដែលអ្នកត្រូវតែប្រឈមមុខ ថាគួរតែបន្តទៅមុខទៀត ឬក៏យ៉ាងណា។

៦. កូនសោរ

រូបដែលអ្នកជ្រើសរើសនេះ អាចបង្ហាញថាក្នុងពេលដ៏ខ្លីខាងមុន អ្នកនឹងសម្រេចបានគោលបំណងជីវិតធំមួយ។ រឿងដែលអ្នកគួរតែប្រុងប្រយ័ត្នបន្តិចក្នុងកំឡុងពេលនេះគឺ មនុស្សដែលអ្នកទុកចិត្តខ្លាំងអាចនឹងមានចិត្តមិនស្មោះត្រង់យ៉ាងពិតប្រាកដជាមួយអ្នកនោះទេ។

៧. ចិញ្ជៀន

រូបនេះដំណាងអោយចិត្តស្មោះស្មគ្រ័ បើសិនជាអ្នកនៅខ្លួនមួយ អ្នកនឹងជួបគូព្រេងក្នុងពេលដ៏ខ្លីខាងមុខនេះ តែបើបានជួបហើយ គេគ្មានចិត្តអោយនរណាផ្សេងក្រៅពីអ្នកនោះទេ។

៨. សំពៅ

លើកនេះ គ្រប់ទិសទីតែម្ដងក្នុងជីវិតអ្នកដែលមានការប្រែប្រួល មិនថាជារឿងការងារ ស្នេហា ឬ ការសិក្សា ហើយចម្លើយនោះគឺស្ថិតនៅលើកណ្ដាប់ដៃអ្នកតែម្នាក់គត់។