របៀបដែលអ្នកក្ដោបដៃ អាចបង្ហាញថាអ្នកជាមនុស្សបែបណាបាន
- 2020-09-01 03:10:00
- ចំនួនមតិ 0 | ចំនួនចែករំលែក 0
របៀបដែលអ្នកក្ដោបដៃ អាចបង្ហាញថាអ្នកជាមនុស្សបែបណាបាន
យ៉ោងតាមការសិក្សារបស់ចិត្តវិទូ កាយវិការរបស់មនុស្សអាចបង្ហាញពីមនុស្សបានយ៉ាងច្បាស់ អាចនឹងច្បាស់ជាងពាក្យពេចជ៏ និង សម្ដីសម្ដៅរបស់មនុស្សថែមទៀតផង។
១. ដៃស្ដាំនៅពីលើដៃឆ្វេង
អ្នកប្រហែលជាត្រូវបានអ្នកដទៃប្រាប់អ្នកជាញឹកញាប់ហើយ ថាអ្នកមានសណ្ដានចិត្តល្អពិបាកនឹងរក។ មុនពេលនឹងសម្រេចចិត្តធ្វើអ្វីមួយនោះ អ្នកតែងធ្វើការថ្លឹងថ្លែងដោយគិតគូរប្រយោជន៏រួមជាធំ។ អ្នកមនុស្សដែលមនុស្សភាគច្រើនស្រលាញ់រាប់អានដោយអ្នកមានចរិតរួសរាយពីកំណើត។ ចំនុចពិសេសរបស់អ្នកនោះ អ្នកមិនចេះឆ្មើងឆ្មៃ ហើយរើសអើងប្រកាន់ច្រើននោះទេ អ្នកតែងស្ដាប់ហេតុផល ព្រមទាំងមិនចេះតែវាយតម្លៃមនុស្សតែផ្តាសនោះទេ។
ដោយសារតែចរិតពីធម្មជាតិបែបនេះហើយ ទើបអ្នកងាយនឹងត្រូវគេកេងចំណេញលើណាស់ ពេលខ្លះគួរតែគិតពិចារណា ពីហេតុនឹង ផលច្រើនជាងជឿតាមតែបេះដូងអ្នកមួយមុខនោះ។
២. ដៃឆ្វេងនៅពីលើដៃស្ដាំ
អ្នកជាប្រភេទមនុស្សដែលចូលចិត្តរក្សាជីវិតឯកជនអ្នកមិនអោយអ្នកដទៃបានដឹងលឺច្រើនពេលនោះទេ។ ទោះបីជាអ្នកហាក់បីដូចជាមានអ្នកស្គាល់ច្រើនមែនពិត តែមិនមែនអ្នកដែលស្គាល់អ្នកទាំងអស់នោះអាចស្គាល់យ៉ាងច្បាស់ពីចិត្តគំនិតរបស់អ្នកនោះទេ។ អ្នកជាមនុសុ្សដែលស្មោះត្រង់ ព្រមទាំងពូកែសង្កេតនិង វិភាគយ៉ាងល្អិតល្អន់ បើមានរឿងអ្វីទាស់ខុសនោះ អ្នកប្រហែលជាមនុស្សទីមួយដែលសង្កេតឃើញមុននរណាទាំងអស់។
មនុស្សដែលមិនស្គាល់អ្នកច្បាស់អាចនឹងគិតថាអ្នកជាមនុស្សដែលក្រអឺតក្រទមបន្តិច។ ពេលខ្លះអ្នកអាចនឹងយកការងារសំខាន់ជាងអ្វីៗ ទាំងអស់ មិនសុខភាព ឫ ក្រុមគ្រួសារនោះទេ។ អ្នកគួរតែព្យាយាមស្វែងរកតុល្យភាពរវាងជិវិតការងារ និង ក្រុមគ្រូសារអ្នក កុំអោយផ្អៀងទៅតែម្ខាងខ្លាំងពេក។