អ្នកគាំទ្ររាប់រយនាក់ជុំគ្នាមើល Yang Yang ថតកម្មវិធីក្រោយមិនចូលលេងកម្មវិធីកម្សាន្ត ៥ឆ្នាំ

2020-07-15 14:30:00
ចំនួនមតិ 0 | ចំនួនចែករំលែក 0

ទោះបីជាត្រូវបានប៉ុស្តិ៍ទូរទស្សន៍ ក៏ដូចជាកម្មវិធីជាច្រើនអញ្ជើញក៏ដោយ តែកំពូលតារាសម្ដែងប្រុសចិន Yang Yang តែងបដិសេធចូលលេងក្នុងកម្មវិធីកម្សាន្តជានិច្ចក្រោយពេល លោកធ្លាប់ផ្ទុះរៀងអាស្រូវដោយសារតែ កម្មវិធីកម្សាន្តបែបនេះ។

កាលពីថ្ងៃទី ១២ ខែកក្កដាកន្លងទៅនេះ បណ្ដាញព័ត៌មាន Sina បានរាយការណ៍ថា តារាសម្ដែងជួរមុខចិន Yang Yang និងតារាប្រុសល្បីឈ្មោះមួយចំនួនទៀត បានមានវត្តមាននៅខេត្ត Hunan ដើម្បីថតកម្មវិធី Boys Energy ដែលគ្រោងចាក់ផ្សាយនៅចុងខែកក្កដានេះ។

នេះគឺជាកម្មវិធីហ្គេមទី១ ដែលប្រុសស្អាត២៩ឆ្នាំ ដែលលើកចុងក្រោយលោកថតកម្មវិធីបែបនេះគឺកាលពីឆ្នាំ ២០១៥។ ដោយសារកម្រថតកម្មវិធីកម្សាន្ត មនុស្សរាប់រយនាក់បានមកមើលតួរឿង Eternal Love ដើម្បីបានឃើញលោកនៅខាងក្រៅ។

គួរបញ្ជាក់ផងដែរថា កាលពីឆ្នាំ ២០១៥ លោកបានថតកម្មវិធីហ្គេម Divas Hit The Road តែដោយសារត្រូវកម្មវិធីកាត់តឲ្យមិនល្អ អ្នកគាំទ្ររបស់លោក និងអ្នកគាំទ្ររបស់ Zheng Shuang បានឈ្លោះគ្នាយ៉ាងសាហាវធ្វើឲ្យអ្នកទាំង២ពិបាកមើលមុខគ្នា។

ពីពេលនោះមក ទោះបីជាត្រូវបានគេអញ្ជើញ និងឲ្យតម្លៃខ្លួនខ្ពស់យ៉ាងណា ក៏លោកមិនព្រមកម្មវិធីកម្សាន្តដែរ ដោយផ្ដោតលើថតរឿងតែមួយគត់។ នៅក្នុងកម្រងរូបភាពថតកម្មវិធីថ្មីនេះ អ្នកគាំទ្រសរសើរលោកថា ប្រុសស្អាតកើតឆ្នាំ ១៩៩១ នៅតែក្មេងដូចកាលពី៥ឆ្នាំមុន ដោយគ្មានអ្វីប្លែកសោះ៕