រុំក្រណាត់ការពារកម្ដៅថ្ងៃ ជាប់កាំកង់ យុវសិស្សម្នាក់ត្រូវអូសជាប់ថ្នល់ ខូចមុខមួយចំហៀង
- 2020-07-15 15:30:00
- ចំនួនមតិ 0 | ចំនួនចែករំលែក 0
រុំក្រណាត់ការពារកម្ដៅថ្ងៃ ជាប់កាំកង់ យុវសិស្សម្នាក់ត្រូវអូសជាប់ថ្នល់ ខូចមុខមួយចំហៀង
ឧបត្តិវហេតុដ៏សោកសៅមួយទៀត បានកើតឡើងសារជាថ្មីដោយសារការរុំក្រណាត់ការពារកម្ដៅថ្ងៃ បណ្ដាលឲ្យចូលកាំកង់ ធ្វើឲ្យសិស្សស្រីម្នាក់ប៉ះទង្គិចលើមុខជាខ្លាំង។
ដោយសារតែកំដៅថ្ងៃនៅអាស៊ីអាគ្នេហ៍មានភាពក្ដៅខ្លាំង គួបផ្សំនឹងសំពត់មួយចំនួនរបស់មនុស្សស្រីមានសភាពខ្លីនោះ បានធ្វើឲ្យមិត្តៗនារីជាច្រើន ជ្រើសយកក្រណាត់ដែលមានបិទបើកងាយស្រួលមកប្រើប្រាស់ រាល់ពេលចេញក្រៅម្ដងៗ។
គួរឲ្យសោកស្ដាយ ក្រណាត់នេះ ក៏បង្ករឲ្យមានគ្រោះថ្នាក់ជាច្រើនមកហើយដែរ។ ជាក់ស្ដែង កាលពីថ្ងៃទី ១៤ ខែកក្កដាកន្លងទៅនេះ កាសែត ពលកររបស់ប្រទេសវៀតណាមបានរាយការណ៍ថា ក្រុមវេជ្ជបណ្ឌិតនៃពេទ្យ Cu Ba ត្រូវវះកាត់កែទម្រង់មុខឲ្យសិស្សស្រីអាយុ ១៥ឆ្នាំម្នាក់។
ប្រភពខាងលើ បានឲ្យដឹងថា ក្រោយពេលចេញពីផ្ទះតម្រង់ទៅសាលា ដោយបានស្លៀកស្រណានត់ការពារកម្ដៅថ្ងៃនេះ ក្រណាត់បានជំពាក់ចូលក្នុងកាំកង់ដែលធ្វើឲ្យនាងដួល អូសនឹងថ្នល់ ធ្វើឲ្យបាក់ឆ្អឹងមុខ និងរលាត់ស្បែកជាទម្ងន់។ មិនត្រឹមនឹងនោះ ផ្នែករបស់សិស្សស្រីនេះ ក៏មើលលែងច្បាស់ផងដែរ។ វេជ្ជបណ្ឌិតដែលវះកាត់ឲ្យសិស្សស្រីខាងលើ បានណែនាំឲ្យមនុស្សស្រីនានាថា ប្រសិបបើពាក់ក្រណាត់បែបនេះ អ្នកគួរកាត់តម្រឹមយ៉ាងណាកុំឲ្យវែងពេក ដែលជាហេតុធ្វើឲ្យមានគ្រោះថ្នាក់មិនគួរមានកើតឡើង៕