មូលហេតុ ៤យ៉ាងដែលមនុស្សប្រុសខ្លះស្រលាញ់មនុស្សស្រីចាស់ជាងខ្លួន
- 2020-05-22 09:55:00
- ចំនួនមតិ 0 | ចំនួនចែករំលែក 0
មូលហេតុ ៤យ៉ាងដែលមនុស្សប្រុសខ្លះស្រលាញ់មនុស្សស្រីចាស់ជាងខ្លួន
បើមនុស្សស្រីយកប្ដីរាងចាស់បន្តិចគឺជារឿងធម្មតាទៅហើយ។ តែបើមនុស្សស្រលាញ់ស្រីរាងចាស់ច្បាស់ជាមានមាត់មានកមិនខាន។ យ៉ាងណាក៏ដោយបច្ចុប្បន្ន គេសង្កេតឃើញមនុស្សកាន់តែច្រើនដែលជ្រើសរើសគូស្រករអាយុច្រើនជាង។ មុននឹងនិយាយរិះគន់មនុស្សប្រុសបែបនោះគួរតែដឹងពីហេតុផលទាំង៤យ៉ាងនេះ៖
១. ជាដៃគូប្រឹក្សាល្អ
មនុស្សដែលមានអាយុច្រើនអាចជាមនុស្សដែលឱ្យដំបូន្មានមនុស្សជុំវិញខ្លួនច្រើន។ មនុស្សដែលរាងចាស់ទុំគឺចូលចិត្តអ្នកដែលអាចពិភាក្សារឿងគ្រប់យ៉ាងជាមួយបានហើយដោះស្រាយជាមួយគ្នាមិនមែនអ្នកដែលមានចរិតកូនក្មេងនោះទេ។
២. មានហេតុផល និងយល់ពីគ្នាបានច្រើន
មនុស្សស្រីវ័យរាងចំណាស់បន្តិចមានបទពិសោធន៍នៅក្នុងជីវិតច្រើន ហើយឧបសគ្គក៏ច្រើនជាងក្មេងស្រីធម្មតា។ មនុស្សប្រុសច្បាស់ជារើសយកមនុស្សស្រីបែបនេះហើយក៏ព្រោះតែការយោគយល់គ្នា និងការស្ដាប់ហេតុផលច្រើនជាងប្រកែកយកតែឈ្នះ។
៣. មិនង៉ក់ងរច្រើន
ការដែលង៉ក់ងរច្រើនគឺសម្រាប់តែមនុស្សស្រីដែលនៅមានចរិតក្មេងហើយគួរអោយស្រលាញ់ ប៉ុន្តែមនុស្សប្រុសមួយចំនួនគឺមិនចូលចិត្តមនុស្សបែបនេះទាល់តែសោះ។ ហើយវាក៏ជាហេតុផលដែលគេស្រលាញ់មនុស្សស្រីចាស់ជាងខ្លួន។
៤. សុទិដ្ឋិនិយម
មនុស្សស្រីដែលមានចរិតចាស់ទុំឬវ័យរាងចំណាស់គឺជាមនុស្សដែលងាយស្រួលនឹងរស់នៅជិតហើយមិនសូវមានកង្វល់ច្រើនដោយសារតែភាពសុទិដ្ឋិនិយម និងការស្វែងយល់ពីមនុស្សជុំវិញខ្លួនបានច្រើន៕
ចុចអាន៖
៥យ៉ាងដែលមនុស្សប្រុសមិនគួរធ្វើ នៅពេលខ្លួនមានសង្សារហើយ
៥ចំណុចនេះ មនុស្សស្រីអាចមានឥទ្ធិពលទៅលើមនុស្សប្រុសច្រើនជាងសម្រស់ទៅទៀត