វិធីមើលទឹកអប់ទាំង៥ប្រភេទ ដឹងច្បាស់មិនចេះខកចិត្ត

2019-07-25 02:45:00
ចំនួនមតិ 0 | ចំនួនចែករំលែក 0

ទឹកអប់មានច្រើនប្រភេទ ច្រើនតម្លៃ ហើយគុណភាពនិងក្លិនជាប់បានយូរឬឆាប់ក៏ខុសគ្នាតាមនោះដែរ។ ក្រៅពីក្លិនដែលលោកអ្នកចូលចិត្ត ការស្គាល់ប្រភេទទឹកអប់និងគុណភាពរបស់វាក៏ជារឿងសំខាន់មុនសម្រេចចិត្តទិញទឹកអប់មកប្រើ៖

១. Perfume : ជាប្រភេទទឹកអប់ដែលផ្សំពីមេទឹកអប់ច្រើនជាងគេពី ២០%-៣០%។ ផ្ដល់ក្លិនឈ្ងុយខ្លាំង ជាប់ក្លិនបានយូរជាងបណ្ដាទឹកអប់ប្រភេទផ្សេងទៀត។ អ្នកដែលមានសភាពស្បែកស្ងួត ងាយអាឡែហ្ស៊ីមិនគួរប្រើទឹកអប់ប្រភេទនេះទេ។

២. Eau de Parfum : ហៅកាត់ថា EDP ផ្សំពីមេទឹកអប់ ១៥%-២០% មានក្លិនជាប់បានយូរពី ៤ ទៅ ៥ម៉ោង។

៣. Eau de Toilette : ឈ្មោះកាត់ EDT នារីៗច្រើនប្រើទឹកអប់ប្រភេទនេះ។ ផ្សំពីមេទឹកអប់ប្រមាណ ៥%-១៥% ហើយមានជាតិអាល់កុលច្រើន ល្អសម្រាប់បាញ់ពេលថ្ងៃ និងមានក្លិនជាប់បានពី ២ ទៅ ៥ ម៉ោង។ ទឹកអប់ប្រភេទនេះក្លិនមិនសូវជាប់បានយូរមែនតែក្លិនវាប្រហើរស្រាលល្អ។ មានផលិតផលប្រភេទ Toilette ខ្លះសម្រាប់បាញ់ក្រោយងូតទឹករួចតែម្ដង បាញ់ហើយនឹងទទួលអារម្មណ៍ស្រស់ស្រាយ ដូចនេះហើយមុនពេលទិញគួរសួរអ្នកលក់បន្ថែមរឹតតែល្អ។

៤. Eau de Cologne : អាចហៅម៉្យាងទៀតបានថា EDC ផ្សំពីមេទឹកអប់ប្រហែល ២%-៤%។ សារធាតុផ្សំសំខាន់របស់ទឹកអប់ប្រភេទនេះគឺ អាល់កុល ធ្វើឲ្យក្លិនក្រអូបឆាប់រំហើយអស់។ ទឹកអប់ប្រភេទនេះច្រើនច្រកក្នុងដបធំៗ ព្រោះពេលប្រើម្ដងៗត្រូវបាញ់ច្រើនទើបមានក្លិនឈ្ងុញ។