មកដឹងតិចនិកស្លៀកពាក់ឲ្យឃើញរាងស្លីម និងជើងវែងដូចអ្នកខ្ពស់ៗ

2019-01-30 00:29:00
ចំនួនមតិ 0 | ចំនួនចែករំលែក 0

ជើងវែង រាងស្លីម ចង្កេះតូចជាអ្វីដែលស្រីៗគ្រប់គ្នាប្រាថ្នា ប៉ុន្តែអ្វីដែលសំខាន់ គឺស្លៀកពាក់អីក៏នៅតែឃើញធាត់។ កុំបារម្ភទៀតអី តិចនិក៥ខាងក្រោមនេះជួយឲ្យស្លៀកពាក់មើលទៅឃើញខ្ពស់ ហើយស្លីមតែម្ដង។ អូខេឥឡូវមកដឹងពីតិចនិកទាំង៥នេះទាំងអស់គ្នា៖

ជ្រើសរើសរបៀបស្លៀកខោ

គួរតែជ្រើសរើសស្លៀកខោ ដោយសារតែខោអាចជួយធ្វើឲ្យផ្នែកខាងក្រោមរបស់ស្រីៗ មើលទៅឃើញវែ។ បើអាច អ្នកគួរតែជ្រើសយកខោដែលវែងហើយលុបដល់តំបន់ស្បែកជើង វានឹងជួយឲ្យយើងមើលទៅឃើញរឹតតែខ្ពស់។

គួរតែស្លៀកខោពណ៌ខ្មៅហើយគូទវែង

មិនថាជាខោឬសំពត់ទេ គួរជ្រើសយកប្រភេទគូទវែង ហើយបើជាពណ៌ខ្មៅទៀតរឹតតែល្អ ព្រោះវាធ្វើឲ្យយើងមើលទៅឃើញស្គម។

ស្លៀកពាក់ពណ៌ដូចគ្នា

ស្លៀកសំលៀកបំពាក់ពណ៌ដូចគ្នាទាំងលើនិងក្រោម ជួយឲ្យអ្នកមើលទៅឃើញខ្ពស់។បើពាក់ជាប្រភេទអាវជាប់ខោទៀតរឹតតែល្អ។

ពាក់ស្បែកជើងកែងចេញម្រាមជើង

ស្បែកជើងកែងធម្មតាជួយលើកកម្ពស់យើងស្រាប់ទៅហើយ តែបើយើងជ្រើសយកស្បែកជើងកែងចំហមុខទៀតរឹតតែល្អ ដោយសារតែវាបង្ហាញឲ្យឃើញតាំងពីភ្លៅដល់ម្រាមជើង ហើយមើលទៅឃើញជើងយើងហាក់ដូចជាតូចជាងមុន។

បួងសក់ឡើងអាចជួយឲ្យឃើញខ្ពស់បាន

ធ្វើបែបនេះមានប្រយោជន៍ណាស់ វាដូចជាជួយបន្ថែមកម្ពស់ឲ្យយើងបន្ថែមទៀត។

ប្រភព៖ Sanook ប្រែសម្រួល៖ ឃួន សុលីកា