កំហុស ៦ យ៉ាងនេះហើយ ធ្វើឲ្យស្រីៗស្លៀកពាក់ខោអាវថ្មីយ៉ាងណាក៏មើលទៅមិនទាន់សម័យ

2019-01-28 07:00:00
ចំនួនមតិ 0 | ចំនួនចែករំលែក 0

នារីៗយើងភាគច្រើនរាល់ថ្ងៃមិនបានដឹងថាខ្លួនកំពុងតែស្លៀកពាក់ខោរអាវដែលមិនសមនឹងខ្លួននោះទេ។ ម្នាក់ៗចូលចិត្តតែពាក់អីដែលស្រួលៗ ងាយៗដោយមិនខ្វល់ថាសមឬមិនសមឡើយ។ ដើម្បីមើលទៅឲ្យកាន់តែមានទំនុកចិត្តថ្ងៃនេះ កញ្ញា សូមប្រាប់ពីរបៀបកែប្រែកំហុសខ្លះៗពីការស្លៀកពាក់របស់ស្រីៗយើងបន្តិច។

១.ស្លៀកពាក់ខ្មៅមួយតួខ្លួន

មនុស្សគ្រប់គ្នាជឿថាការស្លៀកពាក់ខ្មៅអាចឲ្យយើងមើលទៅឃើញស្គម។ វាពិតជាអ៊ីចឹងមែនតែមិនមែនត្រូវពាក់ខ្មៅពេញមួយតួខ្លួនទេ។ ត្រូវចេះរើសពណ៌មើលទៅឲ្យស៊ីគ្នា។ បើអ្នកមានដងខ្លួនធំជាងជើងអ្នកគួរតែប្រើសំលៀកបំពាក់ត្រឹមជង្គង់ ឬក្រោមជង្គង់បន្តិចតែកុំពាក់ខ្មៅ ដល់ចុងជើងឲ្យសោះ វានឹងមិនជួយបិទបាំងកន្លែងដែលយើងចង់ឲ្យមើលឃើញស្គមទេ។ បើអ្នកចេះជ្រើសរើសពណ៌ត្រូវ វានឹងមើលទៅឃើញដងខ្លួនស្គមស្អាត។

២.ពាក់ខោរអាវធំជាងខ្លួន

គួរតែពាក់ខោរអាវឲ្យមើលទៅសមនឹងខ្លួនជានិច្ច។សំលៀកបំពាក់ត្រូវតែមានទំហំត្រឹមត្រូវ សូម្បីតែពេកអ្នកស្រកគីឡូក៏ត្រូវផ្លាស់ប្ដូរសំលៀកបំពាក់ដែរ។

៣.ស្លៀកសំពត់វែង

សំពត់វែងពិតជាស្រស់ស្អាតហើយ។ ទោះបីជាមើលទៅវាស្រួលពាក់ ទាន់សម័យ តែគួរតែកុំពាក់អីពេលអ្នកឈានដល់អាយុ ២០។ វាមើលទៅឃើញសំពីងសំពោង អ្នកគួរតែជំនួសដោយសំពត់ត្រឹមជង្គង់វិញដែលជួយឲ្យអ្នកមើលទៅ ដូចអ្នកជំនួញស្រីវ័យក្មេង ទាន់សម័យ ហើយក្មេងជាងមុនទៀតផង។

៤.ការនិយមពាក់វ៉ែនតា

វ៉ែនតាតូចៗ ដូចជាហួសសម័យហើយឥឡូវ។ វ៉ែនតាធំៗមើលទៅនិយមជាង។

៥.មិនទិញសំលៀកបំពាក់ឲ្យត្រូវនឹងអាយុ

មើលទៅឃើញក្មេងជាងវ័យពិតជាគួរឲ្យចាប់អារម្មណ៍ណាស់។ ប៉ុន្តែវាគួរឲ្យទាក់ទាញជាងពេលដែលយើងស្លៀកពាក់អ្វីដែលសមនឹងអាយុរបស់យើង។ ទិញរបស់សំលៀកបំពាក់ណាឲ្យសមនឹងអាយុ មិនមែនទិញតែអ្វីដែលសម្រាប់តែយុវវ័យទេ។ របស់ប្រើប្រាស់ផ្សេងទៀតក៏អ៊ីចឹងដែរ។

៦.ពាក់ស្បែកជើងមិនសមនឹងខ្លួនឯង

ស្បែកជើងមួយគូរដែលយើងពាក់វាពិតជាសំខាន់ខ្លាំងណាស់។ វាអាចប្ដូរអ្នកពីមើលទៅឃើញស្អាតហើយទាន់សម័យទៅជាឃើញចាស់ហើយធាត់បាន។ ត្រូវតែចេះរើសទំហំស្បែកជើង។ កុំទៅទិញស្បែកជើងពេលដែលជើងកំពុងមានបញ្ហា មិនចឹងទេអ្នកនឹងរើសតែស្បែកជើងណាដែលស្រួលពាក់តែប៉ុណ្ណោះ។ ហើយកុំជឿអ្នកលក់ពេកឲ្យសោះ។

ប្រភព៖ blushybabe.com ប្រែសម្រួល៖ ឃួន សុលីកា