តួឯកស្រីរឿង “តុងហ្វាពូហ្វាយ” ទទួលបានទ្រព្យសម្បត្តិ២៥៦លានដុល្លារ ក្រោយលែងលះប្ដីមហាសេដ្ឋី

2018-10-01 02:26:22
ចំនួនមតិ 0 | ចំនួនចែករំលែក 0

ព័ត៌មានអតីតកំពូលតារាសម្ដែងស្រីហុងកុង Brigitte Lin លែងលះប្ដីមហាសេដ្ឋី ក្រោយរួមរស់ជាមួយគ្នាជាង២០ឆ្នាំបានធ្វើឲ្យពិភពសិល្បៈចិនជ្រួលច្របល់។

កាលពីថ្ងៃទី២៦ ខែកញ្ញាកន្លងទៅនេះ ស្ទើរគ្រប់បណ្ដាញព័ត៌មានតូចធំបានចុះផ្សាយព័ត៌មានដ៏ភ្ញាក់ផ្អើលនោះគឺ អតីតកំពូលតារាសម្ដែងស្រី Brigitte Lin បានលែងលះនឹងកំពូលមហាសេដ្ឋីអចលនទ្រព្យ Michael Ying ហើយ ក្រោយរៀបការនឹងបាន២៤ឆ្នាំ។ មូលហេតុដែលនាំឲ្យមង្គលការនេះឈានដល់ទីបញ្ចប់នោះគឺ មហាសេដ្ឋីចំណាស់រូបនេះ ទោះបីជាមានប្រពន្ធស្អាតហើយក៏ដោយ តែនៅតែលួចមានស្រីខាងក្រៅឥតល្ហែធ្វើឲ្យតួរឿង “តុងហ្វាពូហ្វាយ” មិនអាចទ្រាំទ្របាន។

យោងតាមប្រភពនានា ក្រោយពេលបែកគ្នា សិល្បការិនីវ័យ ៦៣ឆ្នាំត្រូវបានប្ដីចែកទ្រព្យសម្បត្តិឲ្យ២ពាន់លានដុល្លារហុងកុង (២៥៦លានដុល្លារ)។ គួរបញ្ជាក់ផងដែរថា តារាស្រីមានដើមកំណើតមកពីតៃវ៉ាន់រូបនេះ បានចូលរោងការនឹងសេដ្ឋីខាងលើកាលពីឆ្នាំ១៩៩៤ និងមានកូនជាមួយគ្នា២នាក់ គឺស្រីទាំង២។ កូនស្រីធំឆ្នាំនេះមានវ័យ១៨ឆ្នាំហើយ។ ក្រោយមានកូន២ហើយ ខាងប្ដីនៅតែចង់បានកូនប្រុសទៀតដើម្បីបន្តកេរ្តិ៍មរតក តែខាងប្រពន្ធ។ មតិភាគច្រើនបានឲ្យដឹងថា នេះក៏ជាមូលហេតុដែលលោកទៅរកស្រីខាងក្រៅដើម្បីរកកូនបន្តវេនផងដែរ៕