គិតថាខ្លួនស្អាតពេកមិនសមនឹងធ្វើការ ស្ត្រីម្នាក់សុខចិត្តទៅសុំទានវិញ

2018-04-19 02:18:45
ចំនួនមតិ 0 | ចំនួនចែករំលែក 0

ជំនួសឲ្យការស្វែងរកការងារធ្វើ ស្រ្តីជនជាតិចិនម្នាក់បែរជាទៅអង្គុយសុំទានតាមផ្លូវវិញព្រោះគិតថាខ្លួនស្អាតពេក មិនសមនឹងធ្វើការ។

កាលពីថ្ងៃទី១៦ខែមេសាកន្លងទៅនេះ អ្នកប្រើប្រាស់បណ្ដាញសង្គមចិនបាននាំគ្នាចែករំលែកព្រោងព្រាតនូវរូបភាពស្រីម្នាក់កំពុងអង្គុយសុំទានតាមផ្លូវ។

នៅចំពីមុខខ្លួន មនុស្សស្រីរូបនេះបានសរសេរលើផ្លាកថា៖ "ខ្ញុំមកពីខេត្ត Hunan មានសម្រស់ស្អាតពីធម្មជាតិ រាងកាយមាំមួន។ ខ្ញុំជ្រើសយកការអង្គុយសុំទាននៅទីនេះ ជំនួសឲ្យការស្វែងរកការងារធ្វើ។ អរគុណសន្ដានចិត្តល្អរបស់អ្នកទាំងអស់គ្នា"។

យោងតាមបណ្ដាញព័ត៌មាន Next Shark តួឯកក្នុងសាច់រឿងខាងលើគឺស្ត្រីអាយុ៣០ឆ្នាំម្នាក់ ធ្លាប់ធ្វើការជាអ្នកគិតលុយ តែក្រោយមកក៏ត្រូវគេបណ្ដេញចេញ ហើយក៏មិនចង់រកការងារធ្វើទៀត។ នារីកើតឆ្នាំ១៩៨៧បានឲ្យដឹងថាសម្រស់ខ្លួនស្អាតពេក មិនស័ក្ដិសមនឹងធ្វើការ បើនាងសុំលុយគេ គេនឹងឲ្យនាង។ នាងក៏បន្ថែមដែរថា ខ្លួនធ្លាប់គិតរកស៊ីផ្លូវភេទដែរ តែសម្រេចចិត្តមកសុំទានវិញ។ មនុស្សជាច្រើនក្រោយពេលឃើញហេតុការណ៍នេះ ក៏ហួសចិត្ត ផ្ដល់ដំបូន្មានឲ្យនាងថា គួរតែរកការងារត្រឹមត្រូវធ្វើទៅ៕