មុនសម្រេចចិត្តចាកចេញពីមនុស្សជាទីស្រឡាញ់ សួរខ្លួនឯង ៨ សំណួរនេះសិន

2018-04-09 05:30:00
ចំនួនមតិ 0 | ចំនួនចែករំលែក 0

ជួប ព្រាត់ ក្នុងរឿងស្នេហា គឺជារឿងទូទៅដែលគ្មានអ្នកណាទាយដឹងមុនឡើយ។ ទោះបីអ្នកទាំងពីរស្រឡាញ់គ្នាខ្លាំង ប៉ុន្តែពេលខ្លះដោយសារតែគំនាបពីគ្រួសារ ឋានៈ សង្គម អ្នកក៏ធ្វើការសម្រេចចិត្តដ៏សែនពិបាកមួយគឺ បោះបង់គ្នាចោល។ មិនថាសម្ពាធផ្លូវកាយ ផ្លូវចិត្តនោះខ្លាំងប៉ុណ្ណា អ្នកគប្បីសួរខ្លួនឯងនូវសំណួរទាំង ៨ នេះសិន មុននឹងឈានជើងដើរចេញពីមនុស្សជាទីស្រឡាញ់៖

១.«ហេតុអ្វីបានជាខ្ញុំដាច់ចិត្តចង់ចាក់ចេញពីមនុស្សដែលល្អចំពោះខ្ញុំខ្លាំងបែបនេះទៅរួច»?

២.«តើខ្ញុំអាចចាត់ចែងជីវិតខ្លួនឯង ដោយគ្មានវត្តមានគាត់បានល្អតទៅទៀតដែរឬទេ»?

៣.«តើគាត់អាចឲ្យខ្ញុំផ្ញើជីវិតសម្រាប់ថ្ងៃអនាគតបានដែរឬអត់»?

៤.«តើគាត់តែងតែធ្វើឲ្យខ្ញុំសប្បាយចិត្តដែរឬទេ»?

៥.«ព្រោះតែស្នេហាមួយនេះ ទើបខ្ញុំក្លាយខ្លួនជាមនុស្សប្រសើរដូចសព្វថ្ងៃនេះមែនឬទេ»?

៦.«តើខ្ញុំស្រឡាញ់គាត់ជាគាត់ មិនដែលសម្លឹងមើលឃើញប្រយោជន៍អ្វីផ្សេងពិតមែន ឬអត់»?

៧.«តើខ្ញុំស្មុគស្មាញខ្លាំងណាស់មែនទេ ក្នុងការសម្រេចចិត្តចំពោះរឿងចាកចេញនេះ»?

៨.តើខ្ញុំអាចនឹងស្ដាយក្រោយចំពោះការសម្រេចចិត្តនេះនៅពេលខាងមុខដែរឬទេ»?

ប្រសិនការបែកគ្នាធ្វើឲ្យស្ថានភាពម្នាក់ៗល្អប្រសើរ មានសន្តិភាពខ្លាំងជាងមុន ចង់ ឬមិនចង់អ្នកត្រូវតែធ្វើ។ ប៉ុន្តែដើម្បីដាស់សតិអារម្មណ៍ សូមសួរខ្លួនឯង ៨ សំនួរនេះ ព្រោះអ្នកប្រហែលរកមិនបានមនុស្សដែលខ្លួនស្រឡាញ់ខ្លាំងពិតប្រាកដច្រើននាក់ ក្នុងមួយជីវិតនោះទេ៕

ចុចអាន៖៨ សញ្ញាបង្ហាញថា ចំណងមនោសញ្ចេតនារបស់អ្នកដល់ពេលត្រូវដាក់សញ្ញាខណ្ឌហើយ

ប្រភព៖ Likelovequotes អត្ថបទ៖ អូន បញ្ញា