៥ វិធីហាមឃាត់ខ្លួនឯងមិនឲ្យចំណាយច្រើន ហួសសមត្ថភាពរកបាន

2018-02-12 06:00:00
ចំនួនមតិ 0 | ចំនួនចែករំលែក 0

បើអ្នកជាមនុស្សចូលចិត្តចាយវាយច្រើនហួសចំណូល ឬចាយអស់ប្រាក់ក្នុងមួយខែដែលរកបាន កញ្ញា មានវិធីទប់ស្កាត់ចិត្តខ្លួនឯងមិនឲ្យទិញឥវ៉ាន់ច្រើនឡើយ។ ៥ វិធីខាងក្រោមអាចហាមឃាត់ខ្លួនឯងមិនឲ្យចំណាយច្រើន ហួសសមត្ថភាពរកបាន៖

១.ធ្វើឲ្យខ្លួនឯងមានអារម្មណ៍រីករាយ

នៅពេលដែលអ្នកមានអារម្មណ៍រីករាយច្រើន នោះការចំណាយលើរបស់មិនបានការ មិនសូវជាកើតមានឡើងទេ។ មួយវិញទៀតកុំប្រឹងស្វែងរកហាងលក់ឥវ៉ាន់តាមអនឡាញច្រើនឲ្យសោះ ព្រោះបើអ្នករវល់មិនបានទៅផ្សារទំនើប ក៏អ្នកអាចឆ្លៀតទិញទាមបណ្ដាញសង្គមនោះដែរ។

២.កុំទិញអ្វីមួយជាការលើកទឹកចិត្ត

មនុស្សមួយចំនួនតែងគិតថា ពេលខ្លួនធ្វើអ្វីមួយបានសម្រេច គឺដឹងតែមានវត្ថុអនុស្សាវរីយ៍ ដើម្បីផ្ដល់កម្លាំងចិត្តដល់ខ្លួនឯង។ តែពេលអ្នកទិញរបស់អបអរដល់ខ្លួនឯង មិនមែនតែមួយទេ អាចមានរហូតដល់ ៣-៤ ដែលនេះជាការចំណាយច្រើនមិនបាន ហើយគ្មានអ្វីចម្រើនត្រឡប់មកវិញ។

៣.ពិចារណាការជួល

យោងតាមអ្នករៀបចំផែនការហិរញ្ញវត្ថុ Adele Martin បានឲ្យដឹងថាការជួលសម្លៀកបំពាក់ ឬកាបូបសម្រាប់ឱកាសពិសេសមួយពិតជាអាចជួយសន្សំប្រាក់អ្នកបានច្រើន។ តែបើអ្នកទិញរ៉ូបសម្រាប់ពិធីមួយវិញ គឺចំណាយអស់ច្រើន ហើយមិនអាចស្លៀកបានគ្រប់ពេលទៀត។

៤.យកសម្លៀកបំពាក់ទៅសក់បន្ត

ក្រោយពេលអ្នកស្លៀកសម្លៀកបំពាក់បានមួយរយៈ ហើយហួសម៉ូដ គួរតែយកវាទៅលក់ក្នុងតម្លៃថោកៗ ដើម្បីយកប្រាក់ដែលលក់បាននោះ មកជួយសន្សំទុកបន្តទៀត។

៥.រំលឹកខ្លួនអ្នកពីអ្វីដែលមានហើយ

ពេលដើរកាត់ ឬជួបរបស់ និងសម្លៀកបំពាក់មួយចំនួន អ្នកគួរតែប្រាប់ខ្លួនឯងថា «របស់ទាំងនោះមានអស់ហើយ ហើយអ្នកលក់យករបស់ចាស់ៗមកលក់ឡើងវិញ គ្រាន់តែកែច្នៃបន្តិចបន្តួចប៉ុណ្ណោះ»៕

ចុចអាន៖អ្នកនឹងភ្ញាក់ផ្អើលរឿង ៥ យ៉ាងនេះ បន្ទាប់ពីឈប់រិះថាំសន្សំលុយទុក

ប្រភព៖ Shape ប្រែសម្រួល៖ ទ្រី រ៉ាវី