ដំបូន្មានល្អៗសម្រាប់អ្នកនៅពេលដោះស្រាយបញ្ហាលំបាក តាមរយៈការរើសកាត

2022-03-03 04:40:00
ចំនួនមតិ 0 | ចំនួនចែករំលែក 0

រើសកាតមួយដើម្បីទទួលបានដំបូន្មានថាគួរដោះស្រាយបែបណា ពេលជួបបញ្ហាលំបាក?

រូបទី១

បញ្ហារបស់អ្នកនឹងជិតត្រូវបានដោះស្រាយឆាប់ៗ។ សូមប្រើប្រាស់ពេលវេលារបស់អ្នក ដោយសារតែរឿងអាក្រក់ទាំងនោះនឹងប្រញាប់ចាកឆ្ងាយពីអ្នក។ កុំតានតឹងខ្លាំងពេក ព្រោះថានឹងធ្វើឲ្យរឿងកាន់តែអាក្រក់ឡើង ចូរធ្វើអ្វីមួយឲ្យបានល្អបំផុតនិងជាប់លាប់ ហើយនោះគឺជាគុណប្រយោជន៍សម្រាប់អ្នកមិនខាន។ ភាពអត់ធ្មត់ គឺជាជំនួយការល្អបំផុតសម្រាប់អ្នក។ គួរអរគុណដល់អ្វីដែលអ្នកកំពុងត្រៀមរៀបចំនៅពេលនេះ ព្រោះថាវានឹងជិតក្លាយជាការពិតហើយ។

រូបទី២

ឱកាសកំពុងបើកផ្លូវសម្រាប់អ្នក ចំណងត្រូវបានស្រាយ ដែលធ្វើឲ្យអ្នកមានសេរីភាពពេញលេញដើម្បីបញ្ចេញសកម្មភាព។ អ្នកត្រូវប្រឹងប្រែងធ្វើការដើម្បីទទួលបានជោគជ័យ តែក៏ត្រូវដឹងថាគ្មាននរណាអាចដណ្តើមយកភាពជោគជ័យពីអ្នកបានឡើយ។

រូបទី៣

ប្រសិនបើអ្នកចង់ជោគជ័យលើផ្នែកជំនួញ កុំព្យាយាមនៅក្បែរមនុស្សដែលចូលចិត្តនិយាយបំផ្លើសច្រើនពេក។ ម្យ៉ាងទៀត កុំនិយាយប្រាប់ពីផែនការរបស់អ្នកទៅពួកគេច្រើនពេកដែរ។ សង្គមបច្ចុប្បន្ន ពិបាកជឿជាក់លើនរណាណាស់ ថាគេមានបេះដូងបរិសុទ្ធឬអត់។ មនុស្សជិតស្និទ្ធដែលនៅជុំវិញអ្នក គេបានដឹងរួចហើយពីសមត្ថភាព និងទេពកោសល្យរបស់អ្នក ហេតុនេះ អ្នកមិនចាំបាច់បង្ហាញអ្វីច្រើនទៅអ្នកដទៃឡើយ។ រក្សាភាពស្ងប់ស្ងាត់នឹងជួយឲ្យអ្នកធ្វើអ្វីបានដោយក្តីស្រលាញ់ ហើយជោគជ័យនឹងចូលមករកអ្នក។

រូបទី៤

មានគម្រោងច្បាស់លាស់ បូកផ្សំនឹងសកម្មភាពដោយភាពជឿជាក់នឹងជួយឲ្យអ្នកកាន់តែឈានទៅដល់គោលដៅ។ រឿងដ៏សំខាន់បំផុត គឺថាមិនត្រូវឈ្លក់វង្វេង ឬទទួលការងារណាដែលហួសពីសមត្ថភាពដែលអ្នកមិនអាចធ្វើបានឡើយ។ ការជម្នះនូវរឿងទាំងនេះបាន នឹងធ្វើឲ្យអ្នកដទៃលួចសរសើរអ្នកបានដោយងាយ។