មាស សុខសោភា ឆ្លើយតបទៅនឹងពាក្យរិះគន់ការស្លៀកពាក់សិចស៊ីក្នុង MV ថ្មី

2017-12-19 10:30:00
ចំនួនមតិ 0 | ចំនួនចែករំលែក 0

កាលពីថ្ងៃទី១៧ ខែធ្នូឆ្នាំ ២០១៧នេះ នៅលើទំព័រហ្វេសប៊ុកផេករបស់កញ្ញាមាស សុខសោភា បានបង្ហោះ ឈុតក្រៅឆាកក្នុងMVបទចម្រៀងថ្មី គឺបទ "My Only One” ។ អ្វីដែលពិសេសនោះគឺថាទីតាំងថតវីញបទចម្រៀងនោះគឺនៅប្រទេសគុយបា។ ក្នុងកំឡុងពេលថតបទចម្រៀងនោះដែរ ឃើញថា កញ្ញាមាសសុខសោភា ស្រស់ស្អាតប្លែកតែម្ដង ដោយស្លៀកខ្លីៗរបៀបយុវវ័យនាលោកខាងលិច ហើយថែមទាំងមានឈុតងូតទឹកសមុទ្រផងដែរ។ មានមតិមួយចំនួនតូចសម្ដែងការមិនពេញចិត្តចំពោះនាងក្នុងការស្លៀកពាក់តែមានមតិជាច្រើនវិញ គាំទ្រដោយលើកឡើងថា កញ្ញា មាស សុខសោភាគ្រាន់តែស្លៀកពាក់ឲ្យទាន់សម័យ អាប់ដេត និងតាមកាលៈទេសៈតែប៉ុណ្ណោះ។ យ៉ាងណាមិញក្រុមការងាររបស់ ផេកកញ្ញា បានទាក់ទងនាងតាមទូរស័ព្ទដើម្បីសុំមតិរបស់នាងលើការរិះគុណនេះ។ នាងបានពន្យល់ថា ៖ មនុស្សគ្រប់គ្នាមានសិទ្ធក្នុងការបញ្ចេញមតិរៀងខ្លួន ហើយនាងក៏មិនអាចហាមឃាត់មតិទាំងនោះបានដែរ។ តែនាងក៏ចង់បង្ហាញពីមតិផ្ទាល់ខ្លួនផងដែរ ថានាពេលបច្ចុប្បន្នមានការអភិវឌ្ឍន៍លើ គ្រប់វិស័យ មិនថា បច្ចេកវិទ្យា សំណង់ ផ្លូវថ្នល់ ស្ពាន ប្រព័ន្ធ អប់រំ និងផ្សព្វផ្សាយ ដូចគ្នាទៅនឹងវិស័យនៃការកម្សាន្ត ក៏ត្រូវមានការ អាប់ដេត ដូចគ្នា។ ក្នុងនោះផងដែរនាងក៏សុំអរគុណដល់អ្នកគាំទ្រទាំងអស់ដែរជួយគាំទ្រនាងកន្លងមក។