កើតបានកូនប្រុសឲ្យវង្សត្រកូលស្តុកស្តម្ភ ម៉ូដែល Victoria’s Secret ទទួលបានភូមិគ្រឹះ ៦៤លានដុល្លារ

2020-02-07 03:10:00
ចំនួនមតិ 0 | ចំនួនចែករំលែក 0

អ្នកប្រុស Ho Yau Kwan និងម្ដាយបានចំណាយលុយមហិមារដើម្បីទិញភូមិគ្រឹះឲ្យប្រពន្ធ ក្រោយពេលនាងសម្រាលបានចៅប្រុសឲ្យត្រកូលអ្នកមានស្ដុកស្ដម្ភមួយនេះ។

បណ្ដាញព័ត៌មានហុងកុងបានធ្វើឲ្យគេភ្ញាក់ផ្អើលជាខ្លាំងនៅពេលចុះផ្សាយថា លោក Ho Yau Kwan កូនប្រុសរបស់ស្ដេចកាស៊ីណូម៉ាកាវ Stanley Ho បានចំណាយលុយ៥០០លានដុល្លារហុងកុង (៦៤លានដុល្លារអាមេរិក) ដើម្បីទិញផ្ដាច់ភូមិគ្រឹះដែលខ្លួនកំពុងស្នាក់នៅសព្វថ្ងៃ។

នេះគឺគេហដ្ឋានដែលមានទំហំ១២៧៩ម៉ែត្រការ៉េ នៅតំបន់ថ្លៃបំផុតនៅទីក្រុងហុងកុង។ តាមនោះដែរ មុននោះ អ្នកប្រុសខាងលើ ព្រមទាំងម្ដាយខ្លួនបានជួលផ្ទះនេះនៅ៦ឆ្នាំហើយ នៅពេលនេះផ្ទះនេះបានប្ដូរឈ្មោះមកជារបស់ Ho Yau Kwan ហើយ។ បណ្ដាញព័ត៌មានបានឲ្យដឹងថា នេះគឺជាកាដូដ៏ធំមួយដែលត្រកូល Ho ឲ្យទៅកំពូលម៉ូដែលស្រី Mingxi ក្រោយពេលនាងបានសម្រាលចៅប្រុសដំបូងជំនាន់ទី៥ ឲ្យទៅគ្រួសារខាងលើ។

មុនពេលទទួលបានភូមិគ្រឹះតម្លៃ៦៤លានដុល្លារនេះ ម៉ូដែលរបស់ Victoria’s Secret ក៏ទទួលបានកាដូជាប្រាក់សុទ្ធភ្លាមៗ១៤លានដុល្លារផងដែរ ក្រោយពេលនាងទើបសម្រាលកូនរួច។

ក្រៅពីលោក Stanley Ho ដែលជាស្ដេចកាស៊ីណូនៅម៉ាកាវនោះ ម្ដាយរបស់អ្នកប្រុស Yau Kwan លោកស្រី Loeng On Kei ក៏ពូកែជំនួញដូចគ្នាដោយ លោកស្រីបានបើកមជ្ឈមណ្ឌលពាណិជ្ជកម្ម និងផ្សារទំនើបជាច្រើន។ លោកស្រីបានឲ្យដឹងថា គាត់ចង់ឲ្យកូនប្រសារស្រីមានកូនយ៉ាងតិច៣នាក់៕