ងាកមើលអតីតកាលខ្ញុំឈឺចាប់ តែពេលនេះខ្ញុំប្រសើរជាងមុនក្រោយដឹងការពិតពីអ្នកច្បាស់
- 2019-10-07 03:50:00
- ចំនួនមតិ 0 | ចំនួនចែករំលែក 0
ងាកមើលអតីតកាលខ្ញុំឈឺចាប់ តែពេលនេះខ្ញុំប្រសើរជាងមុនក្រោយដឹងការពិតពីអ្នកច្បាស់
កុំយំដោយសារមនុស្សប្រុសដែលមិនច្បាស់លាស់អី យំជារឿងធម្មតាទៅហើយ សម្រាប់មនុស្សស្រី ពេលមិនបានអ្វីមួយដែលមិនសមចិត្ត ដូចជារឿងស្នេហាជាដើម។ប៉ុន្តែអ្វីដែលយើងត្រូវគិតឡើងវិញនោះគឺ បើគេជាមនុស្សដែលមានតម្លៃឲ្យយើងយំនោះ វាមិនមែនជាបញ្ហាចោទនោះទេ ។ តែហេតុអ្វីយើងត្រូវយំដើម្បីគេទាំងដែលគេមិនបានឲ្យតម្លៃមកយើងផងនោះ?
បើគេជាមនុស្សដែលច្បាស់លាស់ គេប្រាកដជាមិនមែនយកយើងមកទុកនៅខាងក្រោយខ្នងគេបែបនេះនោះទេ ត្រូវទេ?
គេមិនដែលណែនាំយើងទៅនរណាឡើយ មិនដែលសូម្បីតែដើរកាន់ដៃយើង បើនិយាយរឿងកាន់ដៃនេះ គេប្រាកដជាហ៊ានហើយហ៊ានខ្លាំងទៀតផងពេលគ្មានអ្នកផ្សេង។ តែសួរថា ហេតុអ្វីគេធ្វើបែបនោះ? គឺក៏ព្រោះតែគេគ្មានទំនួលខុសត្រូវ គេខ្លាចជាប់ឈ្មោះថា មានខ្ញុំជាសង្សារហើយមិនអាចមានឱកាសទៅទាក់ទងជាមួយអ្នកផ្សេងបាន។ រឿងអនាគត ទោះបីថា វាពិបាកស្មាន ពិបាកកំណត់ ប៉ុន្តែយើងក៏អាចជជែកគ្នា ជួយគ្នារកដំណោះស្រាយ ដើម្បីទៅមុខទាំងអស់គ្នា មិនមែនទម្លាក់ទៅតែម្ខាងៗនោះទេ។ អ្នកគួរតែបែងចែក ឲ្យដាច់រវាងមនុស្សដែល មិនទាន់រៀបចំខ្លួនទាន់ដើម្បីកសាងអនាគតគ្រួសារ និងមនុស្សដែលយកពាក្យនោះធ្វើជាលេស។
ប្រាកដណាស់ គ្រប់យ៉ាងនឹងក្លាយជាលេសសម្រាប់មនុស្សដែលមិនច្បាស់លាស់ អ្វីដែលគេចង់បានពីអ្នក គឺត្រឹមកេងចំណេញផលប្រយោជន៍ តាមរូបភាពណាក៏ដោយ គឺដើម្បីរបស់ដែលគេចង់បានពីយើងប៉ុណ្ណោះ។ ស្រីៗគ្នាយើង គួរតែគិតឡើងវិញ ថាយើងយំដើម្បីគេច្រើនប៉ុណ្ណាហើយ គួរតែបន្តយំ ឬក៏គួរតែកែប្រែគំនិតខ្លួនឯង?
ចុចអាន៖ មិនស្មានអ្នកតបស្នងក្តីស្រលាញ់ស្មោះរបស់ខ្ញុំ នូវទង្វើឆ្អែតចិត្តដល់ម្លឹង