បង្កើនទំនុកចិត្តពេលស្លៀកខ្លី មិនខ្លាចជើងធំ ស្បែកខ្មៅស្រអាប់អាក្រក់មើល
- 2019-09-23 08:10:00
- ចំនួនមតិ 0 | ចំនួនចែករំលែក 0
បង្កើនទំនុកចិត្តពេលស្លៀកខ្លី មិនខ្លាចជើងធំ ស្បែកខ្មៅស្រអាប់អាក្រក់មើល
ក្រៅពីមានផ្ទៃមុខសរលោងហើយ ក្តីប្រាថ្នាមួយទៀតរបស់នារីគឺបានជើងស្រឡូន ទន់រលោង។ ពេលស្លៀកខ្លីម្តងៗ បើជើងធំដូចជើងជ្រូក ស្បែកជើងឡើងខ្មៅស្រអាប់ ប្រាកដជាអាក្រក់មើលមិនខានឡើយ។ ដូច្នេះ កុំឲ្យពិបាកពេលខោឬរ៉ូបចេញម៉ូដថ្មី ហើយមិនអាចស្លៀកបាន គួរអនុវត្តតាមវិធីខាងក្រោម៖
១. ធ្វើលំហាត់ប្រាណ
អ្នកអាចចាប់ផ្តើមដោយការហាត់ប្រាណលក្ខណៈពិសេសដោយផ្តោតតែលើជើង។ លំហាត់ងាយៗ អ្នកអាចតម្រេកខ្លួនលើកម្រាល ហើយលើកជើងទាំងពីរឡើងលើ រួចធ្វើចលនាដូចធាក់កង់។ ធ្វើបែបនេះ១០-១៥ នាទីរាល់ថ្ងៃ។ ម្យ៉ាងទៀត អ្នកអាចរត់ ឬហែលទឹក និងជិះកង់ក៏បាន ដើម្បីកាត់បន្ថយខ្លាញ់នៅកំភួនជើង ឲ្យមើលទៅស្លីមស្អាត។
២. ស្ក្រាប់ស្បែកជើងឲ្យបានទៀងទាត់
ខាត់ស្បែកអ្នកយ៉ាងហោចឲ្យបាន ១ - ២ ដងក្នុងមួយអាទិត្យ ដើម្បីឲ្យស្បែកស្អាត ពិសេសតំបន់ជើងដែលនារីៗប្រាថ្នាឲ្យស្បែកស ទន់រលោង ស្អាត។ ខាត់ស្បែកជួយជម្រុះកោសិកាចាស់ៗ និងស្រូបវីតាមីនពីគ្រឿងផ្សំធម្មជាតិរបស់ស្រ្កាប់។ អ្នកអាចយកអំពិលទុំ ទឹកឃ្មុំ ក្រូចឆ្មា និង ស្ករ លាយគ្នាធ្វើស្ក្រាប់ នោះនឹងបានស្បែកជើងទន់រលោង និងសស្អាត។
៣. លាបប្រេងផ្ដល់សំណើម
ក្រោយខាត់ស្បែកដោយប្រើស្ក្រាប់ហើយ ជាទូទៅស្បែកតែងស្ងួត ដូច្នេះអ្នកត្រូវលាបឡេផ្ដល់សំណើម ដែលប្រៀបដូចជាបន្ថែមជាតិទឹកដល់ស្បែកដែរ។ ម្ល៉ោះហើយ អ្នកគួរលាបប្រេងអូលីវ ប្រេងដូង ដែលជួយបន្ថែមសំណើមដល់ស្បែក និងជួយឲ្យស្បែកទន់និងមើលទៅស្អាត។
៤. កោរោមជើង
ដើម្បីឲ្យកាន់តែមានទំនុកចិត្ត នារីច្រើនរូប មិនភ្លេចវិធីកោរោមជើងទេ ព្រោះយល់ថាមានតែវិធីនេះទេទើបសំខាន់។ ប៉ុន្តែអ្នកអាចនូវមានវិធីផ្សេងទៀត ដោយក្រៅពីកោរោមជើងដោយប្រើផ្លែឡាម អ្នកអាចប្រើគ្រីមសម្រាប់ជំរុះរោម និង បាញ់ Laser ។
៥. លាបឡេជាប្រចាំ
បើអ្នកតែងនៅក្នុងបន្ទប់ការិយាល័យ ឬថ្នាក់រៀនមានម៉ាស៊ីនត្រជាក់ នោះស្បែកនឹងឆាប់បឺតសំណើមដោយមិនដឹងខ្លួន។ ដូចនេះអ្នកត្រូវយកចិត្តទុកដាក់ដោយការលាបឡេឲ្យបានញឹកញាប់ មិនថាតែស្បែករាងកាយទេ ស្បែកកំភួនជើងក៏ត្រូវលាបដែរ។
៦. ប្រើគ្រីមជំនួយ
សម្រាប់អ្នកដែលមានស្នាមសន្លាក់ ជ្រួញ ឬស្នាមមូសខាំ អុជខ្មៅលើជើង ច្បាស់ជាគ្មានទំនុកចិត្តពេលស្លៀកខ្លីឡើយ។ ម្ល៉ោះហើយ ត្រូវប្រើគ្រីមលាបណាដែលផ្ទុកជាតិបំបាត់ស្នាមជ្រួញ វីតាមីន E វីតាមីន C ដើម្បីបានស្បែកទន់រលោង និងកាន់តែមានជំនឿចិត្ត៕
ចុចអាន៖ ទិញផលិតផលប្រើរាល់ដង តិចអត់ដឹងអត្ថន័យនិមិត្តសញ្ញាទាំងនេះ