ទោះស្រឡាញ់គ្នាយូរប៉ុនណាក៏ដោយ តែកុំផ្តេកផ្តួលលើគេឲ្យសោះ!

2017-09-22 09:30:00
ចំនួនមតិ 0 | ចំនួនចែករំលែក 0

នៅចាំកាលដែលអ្នកនិងសង្សារស្រឡាញ់គ្នាដំបូងៗអត់? ទោះរំភើបនឹងស្នេហាដែលសមបំណងនោះក៏ដោយ តែនៅគិតថាខ្លួនពិតជាមិនទាន់លង់ចិត្តទាំងស្រុងទេ។ ចំណែកអ្នកខ្លះទៀតគិតថា បើថ្ងៃណាមួយគេបោះបង់យើងចោលក៏មិនជាបញ្ហាព្រោះខ្លួនច្បាស់ជាអាចកាត់ចិត្តពីគេបាន។ អ្នកណាទៅមើលដឹង ដល់ពេលស្រឡាញ់គ្នាយូរៗទៅគឺកាន់តែផ្តេកផ្តួល ទុកចិត្តគេខ្លាំងទៅៗរហូតស្ទើរតែបាត់លំនឹងខ្លួនឯង។ ខាងក្រោម គឺជាគំនិតខ្លះៗដើម្បីជៀសវាងសញ្ញាណគ្រោះថ្នាក់មួយនេះ៖

១. កុំព្យាយាមទាមទារចំណាប់អារម្មណ៍ពីគេពេក៖ ស្រីៗភាគច្រើនចូលចិត្តណាស់ចរិតបែបងងក់ចង់បានការចាប់អារម្មណ៍ពីមិត្តប្រុស។ គួរកាត់បន្ថយការគិតផ្តេសផ្តាស់តែម្នាក់ឯង ត្រូវទុកចន្លោះឱ្យគេខ្លះ ក៏ដូចជាទុកចន្លោះឱ្យខ្លួនឯងដែរ។ បើសិនអ្នកនៅតែបន្តធ្វើចរិតបែបនេះទៀត មានន័យថាអ្នកកំពុងធ្វើបាបចិត្តខ្លួនឯងហើយ។

២. គិតថាគេក៏មានជីវិតរបស់គេ៖ មិនមែនអ្នកត្រូវប្រកាន់ចរិតហីៗមិនខ្វល់ទេ ប៉ុន្តែមានរឿងខ្លះគួរចេះគោរពការសម្រេចចិត្តរបស់គេ ម្យ៉ាងទៀតអ្នកក៏មិនបាច់ភ្ញាក់ផ្អើលដែរ បើសិនគេមិនបានប្រាប់អ្នកថាគេនឹងធ្វើអ្វីមួយ។

៣. ក្តីប្រាថ្នាគេមិនមែនជាក្តីប្រាថ្នាអ្នកទេ៖ ដូចដែលបានរៀបរាប់ក្នុងចំនុចខាងលើ គេក៏មានជីវិតឯកជនរបស់គេ ទោះអ្នកមានឋានៈជាសង្សារក៏ដោយតែមិនមានន័យថាអ្នកត្រូវយកចិត្តទុកដាក់ត្រួតពិនិត្យគ្រប់សកម្មភាពគេទេ៕

ចុចអាន៖ស្រីៗបើមានស្នេហាជីវិតជួបតែរឿង ៥ យ៉ាងនេះ មិនគួរមានវិញល្អជាង

ប្រភព៖ Careergirldaily ប្រែសម្រួល៖ អ៊ុង រ័ត្នបញ្ញា