យុគ ចិន្តា បំពេញបំណងប្រាថ្នាលោក អ៊ិត សេដ្ឋា កាលពីព្រឹកមិញ

2017-06-23 10:25:07
ចំនួនមតិ 0 | ចំនួនចែករំលែក 0

ពិធីការនីជើងចាស់អ្នកនាង យុគ ចិន្តា បានពាំនាំយកថវិកាដែលប្រមូលបានពីបងប្អូនប្រជាជនខ្មែរទាំងក្នុងនិងក្រៅប្រទេស ជូនដល់ក្រុមគ្រួសារលោក អ៊ិត សេដ្ឋា ដើម្បីធ្វើការកក់ប្រាក់ទិញផ្ទះថ្មីកាលពីព្រឹកមិញនេះ។

ចំពោះថវិកាដែលប្រមូលបាន អ្នកនាងបានជួយធ្វើការកក់ប្រាក់ទិញផ្ទះមួយល្វែង ជូនដល់ក្រុមគ្រួសារលោក អ៊ិត សេដ្ឋា ដែលនេះគឺជាបំណងប្រាថ្នាមុនពេលដែលលោកលាចាកលោកទៅ។ អ្នកនាងបានរៀបរាប់នៅលើបណ្តាញសង្គមថា៖ «បន្ទាប់ពីមានការប្រជុំជាមួយថ្នាក់ដឹកនាំរបស់ក្រុមហ៊ុនCSB រួចរាល់ ព្រឹកនេះនាងខ្ញុំក៏បាននាំអ្នកម្តាយរបស់លោក អ៊ិត សេដ្ឋា ដើម្បីមកធ្វើកុងត្រាទិញផ្ទះ និងធ្វើការកក់ប្រាក់ដើម្បីទិញផ្ទះមួយល្វែងប្រគល់ជូនដល់ក្រុមគ្រួសារលោក អ៊ិត សេដ្ឋា ដែលផ្ទះនេះជាផ្ទះដែលបានប្រមូលថវិកាពីសំណាក់រាជរាដ្ឋាភិបាល ឯកឧត្តមលោកជំទាវ ថ្នាក់ដឹកនាំនិងបុគ្គលិកនៃបណ្តាញស្ថានីយទូរទស្សន៍ស៊ីធីអ៊ិន និងបងប្អូនប្រជាជនខ្មែរទាំងនៅក្នុងប្រទេសនិងក្រៅប្រទេសដែលបានជួយជ្រោមជ្រែង» «សូមអគុណដល់សន្តានចិត្តដ៏ថ្លៃថ្លារបស់អស់លោក លោកស្រីទាំងអស់ សូមជួបប្រទះតែសេចក្តីសុខ សុភមង្គលរហូតទៅ!»