ប៉ាម៉ាក់កុំបន្ទោសកូននាថ្ងៃ ឬពេលខ្លះកូនធ្វើខុស ព្រោះទម្លាប់មិនល្អមួយចំនួនរបស់កូន ពេលខ្លះគឺឪពុកម្តាយជាអ្នកបង្ករឡើងជាប្រចាំខ្លួនឯងឲ្យកូនត្រាប់តាម

១.ចូលចិត្តយំ ：ការបង្ហាញអារម្មណ៍មិនត្រូវបានគេអើពើ ឬនៅពេលដែលធ្វើអ្វីមិនត្រូវចិត្ត គឺចូលចិត្តយំ

• ប្រហែលជាអ្នកតែងតែបញ្ចេញអាការៈ ធុញទ្រាន់ មិនចេះអត់ធ្មត់ ទើបកូនប្រើការយំ ដើម្បីទាមទារការចាប់អារម្មណ៍ពីអ្នក!

• មូលហេតុ ：ពេលកូនមិនចេះគ្រប់គ្រងអារម្មណ៍ ការស្រែកគំហក និង មិនរវល់អើពើរបស់ឪពុកម្តាយ កាន់តែធ្វើឱ្យកូនភ័យខ្លាច និងកាន់តែអស់សង្ឃឹម ទើបគេប្រើការស្រែកយំដើម្បីសុំជំនួយ។

• ផ្តល់យល់បល់ ：

• អង្គុយចុះដាក់ខ្លួនស្មើនិងកូន ហើយស្តាប់កូននិយាយ:​ “ម៉ាក់ដឹងថាពេលនេះកូនពិបាកចិត្តខ្លាំង អាចនិយាយចេញមកប្រាប់ម៉ាក់ឱ្យដឹងផងបានទេ?”

*បង្រៀនកូនឱ្យនិយាយដើម្បីបង្ហាញអារម្មណ៍របស់ខ្លួនឯង ឧទាហរណ “កូនខឹង”“កូនមិនចូលចិត្ត” ហើយកុំភ្លេច អោបកូនឱ្យណែន ផ្តល់អារម្មណ៍ជឿជាក់ និងកក់ក្តៅឱ្យកូន។

២. កូនប្រឆាំង បះបោរ：ការការពារខ្លួនឯងបន្ទាប់ពីទទួលបានការបដិសេធរយៈពេលយូរ

កូនចេះតមាត់ ឬ និយាយប្រឆាំង មិនយល់ស្រប់ឪពុកម្តាយ?

• មូលហេតុ ：ប្រហែលពេលធម្មតា អ្នកតែងតែស្តីបន្ទោសកូនច្រើនពេក ធ្វើនេះក៏មិនត្រូវ ធ្វើនោះក៏មិនត្រូវ អ្នកមិនប្រើវិធីសាស្រ្ត លើកទឹកចិត្តកូន!

ផ្តល់យោបល់:

• រកមើលគុណសម្បត្តិរបស់កូនមួយថ្ងៃ ឱ្យបានមួយ លើកយកមកសសើរកូនរៀងរាល់ថ្ងៃ។

• “ថ្ងៃនេះកូនចេះនឹកឃើញប្រមូលរបស់លេងខ្លួនឯងទុក ម៉ាក់រំភើបចិត្តណាស់!”

• កុំចូលចិត្តនិយាយពាក្យថា ：“មិនឱ្យធ្វើ” ប៉ុន្តែ ត្រូវផ្តល់ជាជម្រើសឱ្យកូនជ្រើសរើសខ្លួនឯងឱ្យបានច្រើន។

• “តើកូនចង់ធ្វើកិច្ចការសាលាជាមុនសិន ឬក៏ចង់លេងជិះកង់មុន?”

៣. អង្គុយមិនស្ងៀម：ការផ្តោតអារម្មណ៍ត្រូវបានបំផ្លាញ កូនអង្គុយសរសេរកិច្វការសាលាបាន 5នាទីក៏ បែកអារម្មណ៍?​ ហើយប្រហែលមកពីអ្នករំខានកូនខ្លាំងពេក!

មូលហេតុ: ឱ្យកូនរៀនជំនាញច្រើនពេក ឬឱ្យកូនវក់និងហ្គេមខ្លាំងពេក គឺសុទ្ធតែជាហេតុផលដែលបំផ្លាញដល់ការផ្តោតអារម្មណ៍របស់កូនទាំងអស់។

ផ្តល់យោបល់ :

• ឆ្លៀតរកពេលមួយម៉ោងក្នុងមួយថ្ងៃ ដើម្បីឱ្យកូនចេះក្រៅផ្ទះ លេងកីឡា ជិះកង់ លោតអន្ទាក់ វាយសី ដើម្បីបញ្ចេញថាមពល។

• កាត់បន្ថយការមើលរឿងខ្លីក្នុងទូរស័ព្ទ ឱ្យកូនមានទម្លាប់អានសៀវភៅរឿងវិញ។

៤. ជំងឺអូសបន្លាយពេលវេលា “ប្រហែលជាឪពុកម្តាយខ្លះក៏មានទម្លាប់បែបនេះដែរ ចាំបន្តិចសិន ចាំស្អែក ចាំលើកក្រោយ ”!

• មូលហេតុ:**

• ទម្លាប់អូសបន្លាយពេលរបស់ឪពុកម្តាយ ក៏អាចធ្វើឱ្យកូនបាត់បង់ការគ្រប់គ្រងបែងចែកពេលវេលាដែរ! ដោយយល់ថា គ្រាន់តែចាំមួយភ្លេត អូសបន្លាយបន្តិច វាមិនអីទេ!

ផ្តល់យោបល់:

• រៀបជាតារាងមួយជាមួយនិងកូន អាចប្រើដាក់ម៉ោងរោរិ៍ ប្រើ នាឡិការខ្សាច់ដើម្បីបង្កើនបរិយាកាស។

• បន្ទាប់ពីបញ្ចប់កិច្ចការ បានទាន់ពេល គឺនឹងមានជាអំណោយ។ ឧទាហរណ ចុងសប្តាហ៍អាចលេងទូរស័ព្ទបាន កន្លះម៉ោង ឬទៅដើរលេង ទៅញ៉ាំបាយហាង។

៥. កូនវក់និងទូរស័ព្ទ : ដោយសារកង្វះភាពនៅកំដរដែលមានគុណភាពខ្ពស់របស់ឪពុកម្តាយ

• កូនវក់ហ្គេម ទូរសព្ទ?​ ប្រហែលជាក្រៅពីការងារប្រចាំថ្ងៃហើយ អ្នកក៏ចុចទូរស័ព្ទ លេងហ្គេម មើលរឿងភាគតាមទូរស័ព្ទដែរ!

មូលហេតុ:

• ឪពុក ម្តាយមិនបានយកចិត្តទុកដាក់ជាមួយកូន មើលរំលងការលេងជាមួយកូន ដូច្នេះកូនៗមានតែស្វែងរកភាពរីករាយរបស់ខ្លួននៅក្នុងពិភពក្លែងក្លាយរបស់គេទៅ!

ផ្តល់យោបល់:

• កំណត់ពេលពេលវេលាដែលគ្មានទូរស័ព្ទដៃ, ដូចជា: ក្រោយញ៉ាំបាយល្ងាយហើយ នាំគ្នាដើរហាត់ប្រាណជុំវិញផ្ទះ ជុំវិញបុរីជាមួយគ្នា។ ឬអង្គុយជជែកគ្នានៅក្រៅផ្ទះ។

• លេងជាលក្ខណៈគ្រួសារ ឪពុកកូននាំគ្នាធ្វើរបស់ដោយដៃ ដុតនំ ពិកនិក ជំនួសឲ្យការមើលទូរស័ព្ទ។ (ខ្ញុំកំដរកូនលេង រើសពងទា ដាំបន្លែ ស្រោចទឹក លេងទឹក ដុតនំ ធ្វើតែគុជ ឆ្នៃ ត ទុយយោទឹក ជាមួយកូនៗ)

៦. សមត្ថភាពបញ្ចេញមតិខ្សោយ ：ឪពុកម្តាយដណ្តើមកូននិយាយពេក ចូលចិត្តកាត់សម្តីកូនៗ កូននិយាយ អិអឹ បិបឹ ?

• ប្រហែលជាអ្នកមានទម្លាប់កាត់សម្តីកូន មិនឱ្យកូននិយាយឱ្យអស់! ឬចូលចិត្តគំរាម អញឪហែង!

មូលហេតុ:

• ឪពុកម្តាយ ប្រញ៉ាប់កែតម្រូវកូននិយាយពេក ឬនិយាយជំនួសកូនពេក! ធ្វើឱ្យកូនបាត់បង់ជំនឿចិត្តនិងភាពក្លាហានក្នុងការសម្តែងមតិ។

ផ្តល់យោបល់:

• ចំណាយពេល10នាទីជារៀងរាល់ថ្ងៃដើម្បីស្តាប់កូននិយាយ កុំលូកមាត់ មិនកាត់សេចក្តី។

• ប្រើសំណួរដើម្បីណែនាំការបញ្ចេញមតិ ：“ក្នុងរឿងនេះ កូនយល់ថាហេតុអ្វីបានជាខ្លាឃ្មុំនេះវាពិបាកចិត្ត?”

ជាចុងក្រោយនេះ មានពាក្យខ្លះចង់និយាយប្រាប់ទៅកាន់ប៉ាប៉ា ម៉ាក់ម៉ាក់ថា៖

• ការអប់រំកូនៗ គឺជាឱកាសដែលអាចឱ្យយើងរីកចម្រើនបានទាំងកូនៗ និងឪពុកម្តាយដែរ!

• រាល់គុណវិប្បត្តិរបស់កូនៗ គឺជាកញ្ចក់ឆ្លុះបញ្ជាំងពីយើងខ្លួនឯងដែរ !

• ហើយចាប់ពីពេលនេះទៅ កាត់បន្ថយក្តីកង្វល់បន្តិច ប្រើការភ្ញាក់រលឹកខ្លួនឯងឱ្យច្រើនបន្តិច ប្រើក្តីស្រឡាញ់ធ្វើជាគំរូដល់កូនឱ្យច្រើនបន្តិច ហើយកំដរកូនៗកែប្រែទម្លាប់មិនល្អទាំងនោះចេញ។