១. ផលប៉ះពាល់ នៃ ជំងឺថប់បារម្មណ៍ លើម្តាយ ក្នុងអំឡុងពេលពពោះ

• ហត់នឿយរាងកាយ និងផ្លូវចិត្ត៖

ការថប់បារម្មណ៍ជាប់រហូតអាចធ្វើឱ្យម្តាយ គេងមិនលក់ អស់កម្លាំង នឹងមានអារម្មណ៍តានតឹងឥតឈប់ ដែលប៉ះពាល់ ដល់ថាមពលប្រចាំថ្ងៃ ។

• ហានិភ័យនៃជំងឺផ្សេងទៀត៖

ភាពស្ត្រេសខ្លាំងអាចបង្កើនឱកាសនៃជំងឺដូចជា សម្ពាធឈាមខ្ពស់ ឬជំងឺទឹកនោមផ្អែមពេលពពោះ

• ការសម្រាលកូនមានបញ្ហា៖

ម្តាយដែលថប់បារម្មណ៍ខ្លាំងអាចប្រឈមនឹងការ សម្រាលមុនខែ ឬឈឺចាប់ខ្លាំងជាងធម្មតា ព្រោះរាងកាយមិនស្ងប់ក្នុងការ ប្រមូលផ្តុំកម្លាំង និងស្មារតី

• ធ្លាក់ទឹកចិត្តក្រោយសម្រាល៖

បើមិនគ្រប់គ្រងភាពថប់បារម្មណ៍ទេ ម្តាយអាច បន្តមានអារម្មណ៍មិនល្អសូម្បីក្រោយសម្រាល ដែលហៅថា "ជំងឺធ្លាក់ទឹកចិត្ត ក្រោយសម្រាល"។

២. ផលប៉ះពាល់ នៃ ជំងឺថប់បារម្មណ៍លើកូនក្នុងអំឡុងពេលពពោះ

• ទម្ងន់ទារកទាបជាងធម្មតា៖

ភាពតានតឹងខ្លាំងអាចប៉ះពាល់ដល់ការ លូតលាស់របស់ទារក ដែលធ្វើឱ្យទារក កើតមកមានទម្ងន់តិច។

• ការវិវត្តនៃខួរក្បាល៖

អ័រម៉ូនស្ត្រេស (Stress Hormones) ពីម្តាយអាចជ្រាបទៅទារកតាមរយៈសុក ដែលប៉ះពាល់ដល់ការអភិវឌ្ឍខួរក្បាល និងអាចធ្វើឱ្យកូនមានការគិតយឺត ពិបាក សម្រេចចិត្ត និងងាយថប់បារម្មណ៍នៅពេលធំឡើង។

• សម្រាលមុនកំណត់៖ ម្តាយដែលថប់បារម្មណ៍ខ្លាំង អាចមានហានិភ័យខ្ពស់នៃការសម្រាលមុនខែ ដែលប៉ះពាល់ ដល់សុខភាពទារក។

• អារម្មណ៍ និងឥរិយាបថ៖ ក្រោយកើត ទារកអាចមិនក្លាហាន

ឆាប់ភ័យ ឬមានអារម្មណ៍មិនស្ងប់ ដោយសារតែទទួល ឥទ្ធិពលពីភាពតានតឹងរបស់ម្តាយ។

៣. វិធីសាស្រ្តកាត់បន្ថយ ជំងឺថប់បារម្មណ៍

• សម្រាកឱ្យបានគ្រប់គ្រាន់

• ហាត់ប្រាណស្រាលៗ ដើរ ហែលទឹក ធាក់កង់ យោហ្គា

• ពិភាក្សាជាមួយគ្រូពេទ្យ ឬអ្នកជំនាញផ្លូវចិត្ត

• ធ្វើលំហាត់ដកដង្ហើមចូល-ចេញវែងៗ១៥នាទី (ព្រឹក-យប់)

• ធ្វើសមាធិស្រាលៗ ឬស្ដាប់តន្ត្រី ស្តាប់ធម៌បំប៉ន ផ្លូវចិត្តឱ្យរឹងមាំ

• សុខភាពផ្លូវចិត្តរបស់ម្តាយ = សុខភាពល្អរបស់ទារក!

• ម្តាយរឹងមាំ ទារកមានសុខភាពល្អ!