ជំងឺកញ្រ្ជិល ជាជំងឺឆ្លងម្យ៉ាងដែលបណ្ដាលមកពីមេរោគ measles virus វាអាចចេញរោគសញ្ញានៅចន្លោះពេល ៧-១០ថ្ងៃបន្ទាប់ពីឆ្លង ៕

**រោគសញ្ញា៖ .ក្ដៅខ្លួន ៣៨អង្សាសេឡើងទៅ .ក្អក .ហៀរសំបោរ .ភ្នែកឡើងក្រហម .មានពងបែកក្នុងមាត់ .មានកន្ទួលរមាស់លើស្បែក អាចលេចចេញពីខាងក្រោយភ្នែកត្រចៀក មុខ ក្បាល ចុះមកទ្រូង នឹងទៅចុងដៃចុងជើង

កត្តាដែលនាំអោយឆ្លង៖

• នៅជិតអ្នកមានជំងឺកញ្រ្ជិលរឺនៅតំបន់កញ្រ្ជិល

• មិនបានទទួលវ៉ាក់សាំងកញ្រ្ជិល

• ទទួលវ៉ាក់សាំងដែរ តែមិនត្រឹមត្រូវ

ការឆ្លង៖

• តាមរយៈការក្អក

• តាមរយះការកណ្ដាស់ ដែលមេរោគនោះវាអាចរស់នៅក្នុងខ្យល់បានរហូតទៅដល់ពីរម៉ោង នៅក្នុងតំបន់អ្នកមានមេរោគ ហើយកញ្រ្ជិលជាជំងឺរបស់មនុស្ស មេរោគកញ្រ្ចិលមិនមែនឆ្លងពីពពួកសត្វទេ។

ផលវិបាក៖

• រលាករន្ធត្រចៀក

• រលាកបំពងសំលេង នឹងរលាកទងសួត រលាកសួត

• រលាកស្រោមខួរ

• ស្រ្ដីមានផ្ទៃពោះគួរប្រយ័ត្ន បើកើតវាអាចប៉ះពាល់ទៅទារក អាចជាកូនមិនគ្រប់ខែ កូនសុខភាពខ្សោយ កូនមិនគ្រប់លក្ខណៈ កូននឹងម្ដាយអាចមានគ្រោះថ្នាក់ដល់ជីវិត

ការការពារ៖

• ការចាក់វ៉ាក់សាំងថ្នាក់ជាតិ

• នៅអាយុ ៦ខែ ការចាក់លើកទី១

• នៅអាយុ ៩ខែ ការចាក់លើកទី២

• នៅអាយុ ១៨ខែ ការចាក់លើកទី៣

ការព្យាបាល៖

• (supportive care)ការបំបាត់រោគសញ្ញាដូចជា ការបញ្ចុះកំដៅ ប៉ារ៉ាសេតាមុល ជូតខ្លួន ងូតទឹក ផឹកទឹកអោយច្រើន

ក្នុងករណីសង្ស័យថា អាចបង្ករោគដោយពួកបាក់តេរី ដូចជា ការរលាកត្រចៀក រលាកសួត គ្រូពេទ្យប្រើអាចថ្នាំផ្សះ​ ឬវីតាមីន អេ (vitamin A) បានណែនាំអោយប្រើក្នុងករណីធ្ងន់ធ្ងរទាំងអស់នៃជំងឺកញ្រ្ជិល តាមការសិក្សាបានបង្ហាញថាកំរិតខ្ពស់នៃវីតាមីនអេ អាចបន្ថយអាត្រាស្លាប់ចំពោះកុមារដែលមានជំងឺកញ្រ្ជិល៕