មានសកម្មភាពតូចតាចមួយចំនួនគួរអនុវត្តដែលថ្វីត្បិតតែមិនធំ ប៉ុន្តែឪពុកម្តាយជាច្រើនមិនសូវជាយកចិត្តទុកដាក់។ ដូច្នេះហើយ អ្នក​ត្រូវ​យកចិត្តទុកដាក់​លើ ៤ ចំណុច​ខាងក្រោម​នេះ ជា​ពិសេស​ដើម្បី​ជួយ​កូន​ឱ្យ​ចេះ​ស្តាប់បង្គាប់​ ក្លាយជាក្មេងល្អ និងជោគជ័យក្នុងជីវិតនាថ្ងៃអនាគតរបស់ពួកគាត់ទោះបីជាមិនមានវត្តមានអ្នកនៅក្បែរពួកគេគ្រប់ពេលក៏ដោយ។

ឪពុកម្តាយសម័យទំនើបយល់កាន់តែខ្លាំងឡើងថាការស្តីបន្ទោសកូនរបស់ពួកគេមិនមែនជារឿងល្អទេ។ ប៉ុន្តែឪពុកម្តាយជាច្រើននៅតែភ្លេចពីរបៀបអប់រំកូនៗរបស់ពួកគេ ដោយព្រងើយកន្តើយនឹងកង្វល់តូចតាច ប៉ុន្តែឆ្ងាញ់។ ដូច្នេះហើយ ឪពុកម្តាយ​គ្រាន់តែ​ផ្តោត​លើ​៤​ចំណុច​ខាងក្រោម​នេះ​ប៉ុណ្ណោះ ដែល​អាចជួយ​កូន​បាន​ច្រើន​៖

១.គោរពកន្លែងឯកជនរបស់កូនអ្នក បច្ចុប្បន្ននេះ កុមារមានភាពឯករាជ្យកាន់តែច្រើនឡើងតាំងពីក្មេង ដូច្នេះឪពុកម្តាយត្រូវយកចិត្តទុកដាក់លើការគោរពកន្លែងផ្ទាល់ខ្លួនរបស់កូន។ ពេលវេលារបស់កុមារគឺកាន់តែខុសប្លែកពីយើងកាលពីអតីតកាល។ ដូច្នេះប្រសិនបើឪពុកម្តាយនៅតែរក្សាការគ្រប់គ្រងលើកូនរបស់អ្នក ដោយសិទ្ធិអំណាចរបស់អ្នក កូនរបស់ពួកអ្នកនឹងមានអារម្មណ៍តានតឹងពិបាក និងមិនស្រួលក្នុងការធ្វើអ្វីមួយ។ ដូច្នេះពួកគេចង់ចេញពីដៃពីភ្នែករបស់អ្នក ហើយនឹងមានការចែករំលែកតិចទៅកាន់អ្នក។ តែបើ នៅពេលអ្នកគោរពកន្លែងរបស់កូនអ្នក កុំចូលបន្ទប់កូនអ្នកតាមអំពើចិត្ត ហើយកុំជេរប្រមាថមើលរឿងរបស់កូនអ្នកតាមអំពើចិត្ត កូនរបស់អ្នកនឹងទុកចិត្ត និងចែករំលែកកាន់តែច្រើនជាមួយឪពុកម្តាយ​ ហើយនិងទុកអ្នកជាមនុស្សសំខាន់ឬជាមិត្តអាចជជែកប្រាប់ពីបញ្ហានិមួយៗដោយជិតស្និត។ ចាំថាកុមារមានអារម្មណ៍សុវត្ថិភាពនៅពេលដែលឪពុកម្តាយរបស់ពួកគេមានការគោរពសិទ្ធពួកគេ ពួកគេក៏នឹងទុកចិត្តឪពុកម្តាយរបស់ពួកគេកាន់តែច្រើន និងអាចចែករំលែកជាមួយឪពុកម្តាយបានកាន់តែច្រើន។ កុមារ​ក៏​នឹង​រៀន​ពី​របៀប​គោរព​អ្នក​ដទៃ ដែល​ជា​រឿង​សំខាន់​បំផុត​ក្នុង​ជីវិត​ប្រចាំថ្ងៃដូចគ្នាដែរ។

២.គួរចេះសារភាពកំហុសរបស់អ្នក និងសុំទោសកូនរបស់អ្នកនៅពេលបានធ្វើអ្វីខុសចំពោះពទកគេខ្លះ ក្មេងៗគ្រប់គ្នា អាចនិងធ្វើខុសជាធម្មតា ហើយឪពុកម្តាយក៏ដូចគ្នា ប៉ុន្តែសំខាន់គឺត្រូវទទួលស្គាល់កំហុស ហ៊ានសារភាព និងកែតម្រូវ។ ប្រសិនបើឪពុកម្តាយពឹងផ្អែកលើខ្លួនឯងជាមនុស្សពេញវ័យ ហើយមិនហ៊ានទទួលស្គាល់កំហុស កូននឹងមិនមានទឹកចិត្តដ៏ក្លាហានសារភាពរាល់កំហុសមួយចំនួនធ្វើខុសដូចគ្នា ព្រោះពួកគេបានរៀនទទួលទម្លាប់គិចវេសបានមកពីប៉ាម៉ាក់របស់គេរួចទៅហើយ ដើម្បីរកវិធីបដិសេធកំហុសរបស់ពួកគេ។ ដូច្នេះហើយ ឪពុកម្តាយត្រូវធ្វើជាគំរូដល់កូនៗ ពេលកូនខុស ត្រូវតែសារភាព និងសុំទោសដោយស្មោះត្រង់។ នៅពេលអ្នកដឹងថាអ្នកមិនគួរប្រតិកម្មខ្លាំងពេកចំពោះកូនរបស់អ្នកទេ កុំខ្លាចក្នុងការសុំទោសពួកគេ។ បង្ហាញកូនរបស់អ្នកថា មនុស្សខ្លាំង គឺជាមនុស្សដែលអាចទទួលស្គាល់ភាពទន់ខ្សោយរបស់ខ្លួនឯង។ "អរគុណ" និង "សុំទោស" គឺជារឿងសំខាន់ពីរដែលមនុស្សគ្រប់គ្នាត្រូវរៀន។

៣.មិនគួរដាក់ទស្សនៈរបស់អ្នកទៅលើកូនរបស់ពួកអ្នកខ្លាំងពេកទេ គំនិតផ្ទាល់ខ្លួនរបស់គាត់ អ្នកក៏ត្រូវស្តាប់កូនរបស់អ្នកខ្លះ ទោះបីជាវាផ្ទុយនឹងគំនិតរបស់អ្នកក៏ដោយ វាមិនជារឿងអាក្រក់នោះឡើយ។ កូនរបស់អ្នកមិនមែនជាអ្នកទេ ពួកគេក៏មានការយល់ឃើញ និងបទពិសោធន៍ផ្ទាល់ខ្លួន។ បើអ្នកចង់ឱ្យកូនកែកំហុស អ្នកត្រូវតែស្តាប់នូវអ្វីដែលគាត់និយាយជាមុន ហើយកុំព្យាយាមបង្ខំគាត់ ទើបអ្នកអាចវិភាគវាឱ្យគាត់យល់បាន។ ជាងនេះទៅទៀត កុមារចង់ធ្វើអ្វីដែលពួកគេចូលចិត្ត មិនមែនតាមចិត្តរបស់អ្នកគ្រប់ពេលគ្រប់រឿងនោះទេ។ ជីវិតរបស់កូនអ្នកគឺឯករាជ្យ ពីជីវិតរបស់អ្នក អ្នកមិនអាចបង្ខំកូនរបស់អ្នកឱ្យធ្វើវាសម្រាប់អ្នកបានទេ។ ឪពុកម្តាយល្អគឺជាអ្នកដែលអាចលើកទឹកចិត្តកូនរបស់ពួកគេឱ្យអភិវឌ្ឍខ្លួនឯង​ ទាំងការនិយាយ ការធ្វើ ការអនុវត្ត និងជួយពួកគេឱ្យក្លាយជាមនុស្សរីករាយ និងធ្វើអ្វីដែលពួកគេចូលចិត្ត។ ដូច្នេះហើយ ការស្តាប់កូនរបស់អ្នក ប្រកបដោយការយល់ដឹង និងការចែករំលែក ជួយវិភាគសម្រាប់ពួកគេ និងអនុញ្ញាតឱ្យពួកគេធ្វើការសម្រេចចិត្តដោយខ្លួនឯង គឺជាវិធីដែលអ្នកគោរព និងបង្រៀនពួកគេឱ្យទទួលខុសត្រូវចំពោះខ្លួនឯង និងអ្នកដទៃជុំវិញ។

៤.ទទួលយករាល់ទង្វើ និងសកម្មភាពកូនរបស់អ្នកដោយក្តីស្រឡាញ់ និងដោយចិត្តមេត្តា កូនរបស់អ្នកប្រហែលជាមិនដូច អ្នកតាមដែលអ្នកចង់បានទេ ហើយថែមទាំងអាចផ្ទុយពីបុគ្គលិកលក្ខណៈរបស់អ្នកទៀតផង។ កូនរបស់អ្នកមានចំណុចខ្លាំង និងចំណុចខ្សោយរបស់គាត់ ដែលប្រហែលជាមិនមែនជាអ្វីដែលអ្នករំពឹងទុក។ កូនរបស់ប៉ាម៉ាក់និមួយៗ មានគុណសម្បត្តិច្រើន ហើយខ្លះៗទៀត ក៏មានចំណុចខ្វះខាតច្រើន តែមិនមែនម្នាក់មិនមានសមត្ថភាពេពិតរបស់ពួកនោះទេ។ សូមកុំលំអៀង ត្រូវទទួលយកកូនរបស់អ្នកហើយកុំប្រៀបធៀបចំពោះអ្នកណាម្នាក់ សូម្បីតែបងប្អូនបង្កើតក៏មិនគួរប្រៀបធៀបកូនមួយទៅកូនមួយទៀតដែរ។

តាមរយៈការស្រឡាញ់ និងទទួលយកកូនរបស់អ្នក អ្នកនឹងជួយឱ្យពួកគេអភិវឌ្ឍបានល្អជាងដោយការប្រៀបធៀប ការខកចិត្ត និងការរើសអើងប្រឆាំងទៅកាន់ពួកគេ។ ​ នៅពេលឪពុកម្តាយធ្វើរឿងខាងលើនេះបាន កូនៗរៀនរស់នៅដោយក្តីស្រលាញ់ និងការគោរពស្រលាញ់មនុស្សកាន់តែច្រើនហើយ មានអនាគតល្អនាថ្ងៃខាងមុខពេលពួកធំដឹងក្តី។