មនុស្សវ័យចំណាស់មានសញ្ញាទាំងនេះ សង្ស័យថាខ្សោយបេះដូង

2023-11-04 09:10:46
ចំនួនមតិ 0 | ចំនួនចែករំលែក 0

ជំងឺខ្សោយបេះដូង ឬជំងឺបេះដូងខ្សោយសំដៅដល់ការថយចុះសមត្ថភាពរបស់បេះដូងក្នុងការច្របាច់ឈាមបញ្ជូនទៅគ្រប់សរីរាង្គកាយរបស់យើងឲ្យបានគ្រប់គ្រាន់។ ជំងឺខ្សោយបេះដូងអាចកើតលើមនុស្សគ្រប់ភ័យ ប៉ុន្តែភាគច្រើននៃជំងឺនេះគេឃើញកើតមានលើមនុស្សវ័យចំណាស់។

រោគសញ្ញាខ្សោយបេះដូង

ខ្សោយ ល្ហិតល្ហៃ
ពិបាកដកដង្ហើមពេលធ្វើចលនា ឬដេកផ្ងារ
ហើមជើង កជើង ពោះ
ញ័រទ្រូង ចង្វាក់បេះដូងលោតខុសធម្មតា
ក្អកជាប្រចាំ ឬមានស្លេស្មពណ៌ផ្កាឈូកលាយឈាម
ស្រកទម្ងន់លឿន
ញ៉ាំមិនសូវបាន ឬចង្អោរ
ពិបាកផ្ចង់អារម្មណ៍
ចុងទ្រូង

បើសិនជាសង្ស័យថាខ្លួនយើង ឬសមាជិកគ្រួសារមានជំងឺខ្សោយបេះដូង គួរស្វែងរកការពិគ្រោះយោបល់ជាមួយគ្រូពេទ្យជំនាញ។

គ្រូពេទ្យអាចធ្វើរោគវិនិច្ឆ័យលើជំងឺខ្សោយបេះដូងតាមរយៈការពិនិត្យលើរាងកាយ និងធ្វើអេកូបេះដូងជាដើម។។ បើសិនជាគ្រូពេទ្យពិនិត្យតាមរយៈការឆ្លុះអេកូឃើញថាភាគរយនៃឈាមចេញពីបេះដូងពេលថតបេះដូងខាងឆ្វេងកន្ត្រាក់មានកម្រិតទាបជាងធម្មតា នោះមានលទ្ធភាពខ្ពស់ណាស់ដែលថាសាច់ដុំបេះដូងរកការខូចខាត។ គ្រូពេទ្យអាចពិនិត្យលើចំណុចមួយចំណុចមួយចំនួនផ្សេងទៀតដើម្បីវាយតម្លៃបានកាន់តែច្បាស់។

អ្នកណាខ្លះប្រឈមនឹងជំងឺខ្សោយបេះដូង?

អ្នកដែលមានជំងឺប្រចាំកាយមួយចំនួនអាចប្រឈមកើតជំងឺខ្សោយបេះដូង។ ជំងឺទាំងនេះមានដួចជាជំងឺទឹកនោមផ្អែម ជំងឺអេដស៍ ជំងឺពកក បញ្ហាលើសសម្ពាធឈាម ខូចប្រឹសបេះដូង និងជំងឺវិបត្តិចង្វាក់បេះដូងជាដើម។

ប្រភព៖ mayoclinic ប្រែសម្រួល៖ សុខា