ភាពជឿទុកចិត្តនឹងភាពស្មោះត្រង់គឺដើរតួយ៉ាងសំខាន់បំផុតនៅក្នុងទំនាក់ទំនងស្នេហារបស់ដៃគូគ្រប់ៗរូប ហើយគ្រប់ដៃគូទាំងអស់នឹងត្រូវជួបបញ្ហាទាំងនេះ គ្រាន់តែថាតិចតួចឬច្រើនតែប៉ុណ្ណោះ ប៉ុន្តែនៅពេលដែលអ្នកឈានដល់ការឈ្លោះប្រកែកគ្នា និយាយមិនដែលត្រូវគ្នា ធុញទ្រាន់នឹងគ្នា និងលែងចុះសម្រុងនឹងគ្នាទៀតនោះ វាបញ្ជាក់បានយ៉ាងច្បាស់ថាអ្នកកំពុងស្ថិតនៅក្នុងវិបត្តិស្នេហាហើយ។

ប្រសិនបើជាអ្នកឈានមកដល់ចំណុចមួយនេះ អ្នកទាំងពីរត្រូវចេះរួមដៃគ្នាធ្វើការដោះស្រាយ។ អ្នកត្រូវព្យាយាមជួសជុលវាជាមុនសិន មុននឹងអ្នកសម្រេចចិត្តបញ្ចប់ ឬដើរចេញពីគ្នា។

ទាំងនេះគឺជាវិធីប្រាំយ៉ាងដែលអាចជួយធ្វើការដោះស្រាយរឿងវិបត្តិជីវិតស្នេហារបស់អ្នកបាន៖

• អ្នកទាំងពីរត្រូវតែធ្វើការគិតទៅលើភាពវិជ្ជមានរបស់ដៃគូរបស់អ្នក និងរឿងល្អៗកន្លងមក
• ការបញ្ចេញឲ្យអស់អំពីសេចក្តីស្រឡាញ់របស់អ្នកចំពោះគាត់ដោយមិនមានការលាក់ទុក
• ការផ្ដល់ឱកាស និងការលើកលែងទោសឲ្យគ្នាទៅវិញទៅមកចំពោះកំហុសឆ្គងដែលដៃគូណាមួយបានប្រព្រឹត្តិ
• ផ្ដល់នូវភាពផ្អែមល្អែម និងការយកចិត្តទុកដាក់ចំពោះគ្នាទៅវិញទៅមកឲ្យបានច្រើនជាងរាល់ដង
• អ្វីដែលសំខាន់បំផុតនោះគឺការគាំទ្រគ្នាទាំងផ្លូវចិត្ត និងរាងកាយនៅគ្រប់ពេលនឹងគ្រប់កាលៈទេសៈ

អ្នកត្រូវតែធ្វើរឿងទាំងប្រាំខាងលើនេះដើម្បីដោះស្រាយអំពីបញ្ហាស្នេហារបស់អ្នកទាំងពីរ ហើយវិធីសំខាន់មួយទៀតដើម្បីជួយជួសជុលនឹងកែលម្អទំនាក់ទំនងនៃវិបត្តិស្នេហារបស់អ្នកយ៉ាងមានប្រសិទ្ធិភាពនោះ គឺការបង្ហាញអំពីការដឹងគុណចំពោះគ្នាទៅវិញទៅមក និងការបង្ហាញអំពីសេចក្ដីស្រឡាញ់ដ៏ស្មោះស្ម័គ្ររបស់អ្នកទាំងពីរចំពោះគ្នា៕

ចុចអានបន្ត៖ យុទ្ធសាស្ត្រល្អៗ ដែលអាចទប់ទល់ និងដោះស្រាយជាមួយមនុស្សដែលពូកែកុហក