រូបភាពដែលអ្នកឃើញមុនគេ បង្ហាញថាអ្នកកំពុងស្មុគស្មាញដោយសារបញ្ហាអ្វី

2021-12-25 07:38:00
ចំនួនមតិ 0 | ចំនួនចែករំលែក 0

ប្រសិនបើមួយរយៈចុងក្រោយនេះ អ្នកកំពុងជួបវិបត្តិផ្លូវចិត្ត តែមិនដឹងថាមកពីអ្វី អ្នកអាចចំណាយពេលដើម្បីសង្កេតមើលរូបនេះដើម្បីដឹងពីដើមទងនៃបញ្ហា។

១. មុខមនុស្ស

មូលហេតុដែលធ្វើឲ្យអ្នកស្មុគស្មាញ គឺចេញមកពីគំនិតអវិជ្ជមាន និងមិនជឿជាក់លើខ្លួនឯងរបស់អ្នក។ អ្នកតែងតែមានអារម្មណ៍អស់សង្ឃឹម រស់នៅក្នុងភាពភ័យខ្លាច ធ្វើឲ្យទាំងអារម្មណ៍ និងខ្លួនប្រាណរបស់អ្នកហត់នឿយ។ អ្នកមានអារម្មណ៍ថា អ្នកដែលស្រករអ្នកជោគជ័យជាងខ្លួន ដែលធ្វើឲ្យអ្នកគ្មានកម្លាំងចិត្តពុះពារធ្វើអ្វីបានទាល់តែសោះ។ ដើម្បីដោះស្រាយបញ្ហានេះ អ្នកត្រូវលើកទឹកចិត្តខ្លួនឯង ហើយគិតអ្វីដែលល្អ និងវិជ្ជមាន ព្រោះមានតែអ្នកខ្លួនឯងប៉ុណ្ណោះ ដែលអាចរំដោះខ្លួនឯងចេញពីស្ថានភាពនេះបាន។

២. រូបភ្នែក

មូលហេតុដែលអ្នកកំពុងស្មុគស្មាញ ហើយរកផ្លូវចេញមិនបាន គឺមកពីខ្លួនឯងដាក់វិន័យឲ្យខ្លួនឯងតឹងតែងពេក ព្រោះមិនចង់រស់នៅដោយគ្មានវិន័យ តែទន្ទឹងនឹងពេលនោះដែរ អ្នកក៏ចង់បានសេរីភាពដូចអ្នកដទៃបានដូចគ្នា។ ភាពចម្រូងចម្រាសនៃការគិតនេះ ធ្វើឲ្យអ្នកធ្លាក់ក្នុងការខ្វាយខ្វល់ខ្លាំង។ មួយផ្នែកអ្នកមិនចង់រស់នៅដោយបណ្ដាយខ្លួន តែមួយផ្នែកមួយទៀត អ្នកចង់សប្បាយ ចង់រីករាយ ដោយមិនសូវខ្វល់ពីអ្វីច្រើន ដូចមិត្តៗអាយុប្រហែលគ្នា។ ដំណោះស្រាយសម្រាប់អ្នកនោះគឺ អ្នកត្រូវតែចេះថ្លឹងថ្លែងរវាងរឿងទាំង២នេះឲ្យស្មើ កុំជ្រុលនិយមទៅខាងមួយណាខ្លាំងពេក។

៣. សត្វចាប

មូលហេតុធ្វើឲ្យផ្លូវចិត្តរបស់អ្នកនៅវិលវល់ មិនស្រាកស្រាន្ត គឺមកពីអ្នករត់តាមភាពល្អឥតខ្ចោះ។ អ្នកបង្ខំឲ្យខ្លួនឯង ត្រូវតែល្អគ្រប់សព្វបែបយ៉ាងទាំងអស់ ហើយមិនឲ្យខុសពីអ្វីដែលអ្នកគ្រោងទុកនោះឡើយ។ ប្រសិនជាលទ្ធផលចេញខុសពីអ្វីដែលអ្នករំពឹងទុកតែបន្តិច ក៏អ្នកមិនពេញចិត្តដែរ អ្នកនឹងមានអារម្មណ៍ថាខ្លួនឯងអន់ថយភ្លាម។ ដើម្បីជៀសវាងពីអារម្មណ៍នេះ អ្នកគួរតែបន្ថយភាពល្អឥតខ្ចោះនោះមកវិញ ដោយគួរគិតទៅលើភាពជាក់ស្ដែងវិញ។ កុំរត់តាមភាពល្អឥតខ្ចោះ ទាំងដែលភាពជាក់ស្ដែងមិនអំណោយផល៕

ប្រភព៖ emdep ប្រែសម្រួល៖ លឹម សុនា