កំពុងតែស្អាតសុខៗ នារីម្នាក់ត្រូវរលួយមុខដោយសាររឿងដែលមនុស្សស្រីតែងធ្វើ

2021-03-05 02:35:00
ចំនួនមតិ 0 | ចំនួនចែករំលែក 0

ផ្ទៃមុខដ៏ស្រស់ស្អាតរបស់នារីឈ្មោះ Demet ត្រូវបានបំផ្លាញអស់ និងពិបាកអាចដូចដើមវិញ ដោយសារតែជ្រុលខ្លួនចង់ស្អាតពេកមួយគ្រា។

មុននេះបន្តិច ករណីខូចមុខទាំងស្រុងរបស់នារីម្នាក់ឈ្មោះ Filiz Demet អាយុ ៤០ឆ្នាំ មកពីទីក្រុង Kahramanmaras ប្រទេសទួគី បានទាក់ទាញចំណាប់អារម្មណ៍របស់មនុស្សជាច្រើន។ នៅក្នុងរូបដែលចែករំលែកពេញបណ្ដាញសង្គម គេអាចសង្កេតឃើញថា មុខរបស់នារីខាងលើមានសភាពហើម មានខ្ទុះ និងមានចេញឈាមផងដែរ។

អ្វីដែលកាន់តែគួរឲ្យភ្ញាក់ផ្អើលនោះគឺ បើតាមកាសែតជាតិ Bursada មូលហេតុដែលបណ្ដាលឲ្យឈានដល់ថ្នាក់នេះគឺមកពី ស្ត្រីខាងលើទៅបាញ់បំបាត់ភាពជ្រួញ ដែលជារឿងមួយនារីភាគច្រើនតែងធ្វើនៅពេលបច្ចុប្បន្ន។ នារីជាជនរងគ្រោះបានឲ្យដឹងថា គ្លីនិកដែលធ្វើឲ្យនាង មិនបានប្រាប់ថានេះគឺជាកម្មវិធីអ្វីឡើយ ដោយគ្រាន់តែសន្យាថានឹងធ្វើឲ្យមុខនាងក្មេងដូចកូនក្មេង ហើយនាងចំណាយអស់៤០០ដុល្លារ ចំពោះសេវាកម្មខាងលើ។ មុនដំបូង គេលាបថ្នាំស្ពឹកលើស្បែករបស់នាង ហើយបាញ់ឡាស៊ែដែលមានឈ្មោះថា Flexcr Laser។ ក្រោយពេលបាញ់ភ្លាម នាងបានឲ្យដឹងថា ស្បែករបស់ខ្លួនហើម និងជាំ។ ដល់ពេលមកដល់ផ្ទះ ស្បែកក៏ចាប់ផ្ដើមក្រហាយ និងបែកគ្រាប់ឈាមតែម្ដង។

វេជ្ជបណ្ឌិតដែលពិនិត្យឲ្យនាងបានឲ្យដឹងថា ទោះបីជាក្រោយពេលព្យាបាលរួច ក៏មុខរបស់នាង ពិបាកត្រលប់ទៅកាន់សភាពដើមវិញណាស់។ នៅពេលនេះ Demet កំពុងជួលមេធាវីដើម្បីប្ដឹងគ្លីនិកខាងលើ៕